+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Қазақстан елшісі Дания патшайымына сенім грамоталарын тапсырды

2019 жылғы 18 желтоқсан 14:41
Бөлісіңіз:
Қазақстан елшісі Дания патшайымына сенім грамоталарын тапсырды

КОПЕНГАГЕН. ҚазАқпарат - Копенгагенде Қазақстанның Швециядағы елшісі және Даниядағы елшісі қызметін қоса атқарушы Қайрат Әбдірахманов Дания патшайымы II Маргретеге сенім грамоталарын тапсырды. Бұл жөнінде Сыртқы істер министрлігінің баспасөз қызметіне сілтеме жасап ҚазАқпарат хабарлайды.

Ұқсас жаңалықтар
Италия Парламенті депутаттар палатасының квесторы «Достық» орденімен наградталды Алматыда Қазақстан мен АҚШ дамуға ресми көмек саласындағы ынтымақтастықты талқылады «Жусан» операциясы: АҚШ-та Қазақстан тәжірибесі талқыланды

«Амалиенборг» патша сарайында өткен салтанатты рәсімнен кейін дат мемлекетінің басшысында аудиенция өтіп, ол Қазақстан халқын Тәуелсіздік күнімен құттықтады. Жылы жағдайда өткен әңгіме барысында Қазақстан мен Дания арасындағы жан-жақты байланыстарды тереңдету және кеңейту жолдары қозғалды. Патшайым еліміздің ежелгі тарихы мен өзіндік мәдениетін атап өтіп, тараптар екіжақты мәдени-гуманитарлық қатынастардың түрлі аспектілеріне тоқталды. Маргрете II Елшіге Қазақстан мен Дания ынтымақтастығын нығайту жолындағы жұмысында табыстар мен жеміс тіледі.

«Сапар бағдарламасы шеңберінде Қ.Әбдірахмановтың Данияның Сыртқы істер министрінің халықаралық саясат мәселелері жөніндегі орынбасары Л.Зильмер-Джонс, Фолькетингтің (Парламенттің) Сыртқы істер жөніндегі комитетінің төрағасы М. Кнутпен кездесулері өтіп, ҚР басшылығының бітімгершілік бастамалары ұсынылды және саяси өзара іс-қимылдың түрлі аспектілері бойынша, оның ішінде БҰҰ, ЕҚЫҰ және басқа да халықаралық және өңірлік ұйымдар мен олардың парламенттік ассамблеялары шеңберінде пікір алмасу болды. Жетекші дат экономикалық құрылымдары – Өнеркәсіпшілер конфедерациясы мен Экспорттық-несие агенттігі және Дания СІМ жанындағы сауда кеңесінің басшылығымен кездесу барысында сауда мен инвестицияларға басты назар бөлінді» делінген хабарламада.

Әлемнің түкпір-түкпірінде тәжірибесі кең қолданылатын бұл ел - Қазақстан үшін өте перспективалы серіктес және экономика мен қоғамның даму тұрақтылығын бағалайтын барлық халықаралық рейтингтерде алдыңғы қатарлы позицияларды иеленеді. Жоғары деңгейдегі алғашқы байланыс ҚР Тұңғыш Президенті – Елбасы Н.Назарбаевтың 2000 жылғы қазанда корольдікке ресми сапары кезінде орын алды. 2019 жылғы қаңтар-қыркүйек кезеңінде өзара сауда айналымы 60 млн АҚШ доллары, оның ішінде экспорт 17 млн АҚШ доллары және импорт 43 млн АҚШ долларын құрады.

Қазақстан Данияға негізінен минералды өнімдерді экспорттайды және химия, тамақ өнеркәсібі өнімдерін, машиналар мен жабдықтарды, аспаптар мен аппараттарды импорттайды.

Бүгінгі таңда елімізде 30-дан астам бірлескен кәсіпорын тіркелген.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT