+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қазақстан Елшісі Бельгия Короліне сенім грамоталарын тапсырды

2021 жылғы 23 маусым 22:18
Бөлісіңіз:
Қазақстан Елшісі Бельгия Короліне сенім грамоталарын тапсырды

БРЮССЕЛЬ. ҚазАқпарат - Қазақстан Елшісі Марғұлан Баймұхан Бельгия Королі Филиппке сенім грамоталарын тапсырды. Бұл туралы ҚР Сыртқы істер министрлігінен мәлім етті, деп хабарлайды ҚазАқпарат.

«Король сарайындағы аудиенция барысында қазақстандық дипломат сұхбаттасушыға Президент Қасым-Жомарт Тоқаев пен Тұңғыш Президент - Елбасы Нұрсұлтан Назарбаевтың жылы лебіздерін жеткізді.

Елші Президент Қ.Тоқаев бастаған саяси және экономикалық реформалар, Қазақстанның халықаралық бастамалары туралы айтты, сондай-ақ Король Филипппен және оның әкесі Король Альберт II-мен жылы достық қатынаста болған Н. Назарбаевтың Қазақстан-бельгия ынтымақтастығын қалыптастырудағы тарихи рөлін атап өтті», - делінген СІМ мәліметінде.

Өз кезегінде, Король Филипп Президент Қ. Тоқаев пен Елбасы Н. Назарбаевқа және барша қазақстандықтарға игілік тілеген.

Бұдан бөлек, тараптар Қазақстан мен Бельгия арасындағы саяси, сауда-инвестициялық ынтымақтастықтың негізгі мәселелерін талқылады, пандемиямен күресу және халықты егу тәжірибесімен бөлісті. Сонымен қатар ауыл шаруашылығы, энергетика және жаңартылатын энергия көздері салаларындағы ынтымақтастық перспективаларын атап өтті.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT