Қазақстан ел аумағынан ағаш материалдарын шығаруға тыйым салды

НҰР-СҰЛТАН. ҚазАқпарат –Ел аумағынан ағаш материалдарының жекелеген түрлерін шығаруға 18 тамыздан бастап тыйым салынды. Бұл туралы ҚазАқпарат Мемлекеттік кірістер комитетінің баспасөз қызметіне сілтеме жасап хабарлайды.

«Қазақстан аумағынан ағаш материалдарының жекелеген түрлерін,а атап айтқанда Еуразиялық экономикалық одақтың Сыртқы экономикалық қызметінің тауар номенклатурасы коды 4401, 4403, 4404, 4406 және 4407 әкетуге 2019 жылғы 18 тамыздан бастап алты ай мерзімге тыйым салу енгізілді. Бұған қатысты ҚР Индустрия және инфрақұрылымдық даму министрінің 2019 жылғы 29 шілдедегі № 564 бұйрығы шығарылды», - делінген Комитет хабарламасында.