+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Қазақстан экспорттайтын тауарлар бағасы қымбаттады

2019 жылғы 12 ақпан 19:30
Бөлісіңіз:
Қазақстан экспорттайтын тауарлар бағасы қымбаттады

АСТАНА. ҚазАқпарат - Қазақстанда шетелге экспортталатын тауарлардың бағасы өсті. Бұл туралы ҚР Ұлттық экономика министрлігінің Статистика комитетіне сілтеме жасаған ҚазАқпарат тілшісі хабарлайды.

2018 жылдың желтоқсан айында бұдан бір ай бұрынғы көрсеткішпен салыстырғанда, 7,8 пайыз төмендеп, 2017 жылдың желтоқсанынан бастап 13,8 пайызға өскен, ал импортталатын тауарлар сәйкесінше 0,1 пайызға төмендеп, 7,9 пайызға өсті.

2017 жылмен салыстырғанда, 2018 жылы Қазақстанның шетелге экспорттайтын тауарлардың бағасы 22,6 пайызға, импорт тауарлары - 7,2 пайызға өскен.

2018 жылдың басынан бері экспорт жеткізілімдерінің ішінде темір кені (26 пайыз), табиғи газ (25,7 пайыз), марганец кені (22,1 пайыз), мыс (16,8 пайыз), мұнай (14,9 пайыз), ферроқорытпалар (14,3 пайыз), қара металл прокаты (10,5 пайыз), көмір (6,1 пайыз) бағалары көтеріліп, хром кені (19,3 пайыз), қорғасын (12,4 пайыз), мырыш (8 пайыз) бағалары төмендеген.

Арпа бағасы - 21,5 пайызға, бидай - 21 пайызға, мақта - 8,9 пайызға өскен, ал жүн бағасы 3,1 пайызға төмендеген.

Импорт өнімдерінің ішінде құс еті 34,7 пайызға, темекі - 31,8 пайызға, көкөніс - 15,2 пайызға, балық - 14,3 пайызға, қант - 13,2 пайызға, шай - 9,1 паайызға, маргарин - 3,7 пайызға, фармацевтикалық өнімдер - 3,4 пайызға қымбаттаса, какао - 4,3 пайызға, өсімдік майы - 5 пайызға, кофе - 0,3 пайызға арзандады.

Аяқ киім бағасы 27,8 пайыз, шиналар - 21,7 пайыз, құрылыс материалдары - 15,8 пайыз, қағаз - 15,1 пайызға қымбаттады.

Автор: Асхат Ахметбеков

Біздің каналымызға жазылыңыз:

Басты сөздер: Экономика, Статистика,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT