Қазақстан ЕАЭО аясында конструктивті жұмыс істеуге ниетті - Тоқаев
«Қазақстан Еуразия экономикалық одағы аясында конструктивті жұмыс істеуге ниетті, - деп атап өтті Мемлекет басшысы. – Жағдайдың ушығуына байланысты туындаған қиындықтарға қарамастан, біздің ынтымақты бірлестігіміз беделді экономикалық ұйымға айналып келеді. ЕАЭО сауда серіктестері желісінің Сингапурдан Сербияға дейінгі кеңістікте қанат жаюы – соның жарқын дәлелі».
«Бүгін біз (Ресей президентімен – авт.) екіжақты келіссөз жүргізіп, стратегиялық әріптестік пен одақтық қарым-қатынасты одан әрі дамытуға ынталы екенімізді тағы да растадық», - деді Мемлекет басшысы.
«Екіжақты келісім, сондай-ақ біз қол қойған интеграциялық келісім аясындағы құжаттар бойынша Қазақстан тарапынан өз міндеттерімізді жүйелі түрде орындайтынымызға сендіргім келеді», - деп түйіндеді Қасым-Жомарт Тоқаев.
Айта кетейік, Қазақстан Президенті Қасым-Жомарт Тоқаев Сочиде өтіп жатқан «Валдай» Халықаралық пікірталас клубының жылсайынғы XVI отырысына қатысты. «Әлемдік құрылым: Шығыстан көзқарас» тақырыбымен өтіп жатқан «Валдай» Халықаралық пікірталас клубының жылсайынғы XVI отырысына Қазақстан Президентімен бірге Иордания королі Абдалла II, Әзербайжан Президенті Ильхам Әлиев және Филиппин Президенті Родриго Дутерте қатысқан.