+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстан делегациясы Кабулда Ауғанстанның қазіргі әкімшілігі өкілдерімен кездесті

2021 жылғы 17 қазан 19:17
Бөлісіңіз:
Қазақстан делегациясы Кабулда Ауғанстанның қазіргі әкімшілігі өкілдерімен кездесті

КАБУЛ. ҚазАқпарат – Бүгін Қазақстан Республикасы Президентінің Халықаралық ынтымақтастық жөніндегі арнаулы өкілі Ержан Қазыхан бастаған қазақстандық делегация Кабул қаласына жұмыс сапарымен барды. ҚазАқпарат бұл туралы Ақордаға сілтеме жасап хабарлайды.

Ұқсас жаңалықтар
Коронавирустың жаңа штамы әлемдік қаржы нарығына едәуір әсер етті Алматыда ковид ауруханалардағы төсек-орын саны қысқарды Қазақстанда коронавируске қарсы вакцинаның I компонентін 8 718 613 адам салдырды

Сапар аясында Арнаулы өкіл Ержан Қазыхан Ауғанстанның қазіргі әкімшілігінің өкілдері Абдул Ғани Барадармен және Амир Хан Мутаккимен кездесулер өткізді.

Кездесулер барысында Қазақстанның ауған халқына көрсетіп жатқан гуманитарлық көмегі мен сауда-экономикалық байланыстарды қалпына келтіру мәселелері талқыланды.

Еліміз делегациясының басшысы Қазақстан Республикасының Президенті Қасым-Жомарт Тоқаевтың Өкімімен Ауғанстанға гуманитарлық көмек ретінде 5 мың тонна ұн жеткізілгенін атап өтті. Сондай-ақ Ержан Қазыхан Қазақстанның ауған тарапына отандық QazVac вакцинасын беру туралы ұсынысын жеткізді.

Арнаулы өкіл Қазақстанның БҰҰ агенттіктерімен бірлесіп, Ауғанстан халқына жеткізілетін гуманитарлық көмекті одан әрі кеңейту мақсатында қабылдап жатқан шаралары туралы айтты.

Ауған тарапы көрсетілген гуманитарлық көмек үшін алғыс білдіріп, Ауғанстанды қалпына келтіру жөніндегі халықаралық күш-жігерге еліміздің елеулі үлес қосып отырғанын атап өтті.

Тараптар дәстүрлі сауда-экономикалық байланыстарды қалпына келтіруге және ауған студенттері үшін Қазақстанда білім беру бағдарламаларын жалғастыруға қызығушылық танытты. Ауған тарапы қазақстандық вакцинаны жеткізу туралы ұсынысты да зор ықыласпен қабылдады.

Сонымен қатар Ержан Қазыхан БҰҰ Бас хатшысының Арнаулы өкілі, БҰҰ-ның Ауғанстанға жәрдем беру жөніндегі миссиясының басшысы Дебора Лайонспен кездесті. Кездесуде осы елдегі гуманитарлық және азық-түлік дағдарысын еңсеруде Қазақстан мен БҰҰ-ның өзара ынтымақтастығын кеңейту мәселелері қарастырылды.



Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT