Қазақстан-британ бизнес-форумы қорытындысы бойынша 1 млрд. доллар сомасын құрайтын келісім жасалады
2013 жылғы 1 шілде 15:47

Қазақстан-британ бизнес-форумы қорытындысы бойынша 1 млрд. доллар сомасын құрайтын келісім жасалады

АСТАНА. 1 шілде. ҚазАқпарат - Бүгін Астанада өткен Қазақстан-британ бизнес-форумы қорытындысы бойынша 1 млрд. доллардың келісімшарттарына қол қойылады деп күтілуде.

Шара барысында ҚР Президенті Нұрсұлтан Назарбаев британ бизнесмендерін Қазақстанда жүзеге асып жатқан амбициялы жобаларға қатысуға шақырған болатын.

Британия делегациясымен екіжақты келіссөздерді қорытындылай келе, Мемлекет басшысы Н. Назарбаев бизнес-форумның жабылу салтанатында сөз сөйледі. «Біз британ тарапымен экономикалық және саяси ынтымақтастықтың барлық мәселелері, біздің өңірдің жағдайы, ынтымақтастық перспективалары бойынша келіссөздер жүргізе алдық. Нәтижесінде бірқатар маңызды құжаттарға қол қойдық, ол біздің ынтымақтатығымызды жаңа сатыға көтеретін болады», - деді Елбасы.

Jańalyqtar

MURAǴAT