20:10, 05 Қазан 2009 | GMT +6
Қазақстан білім беру туризмін дамыту үшін болашағы бар ел - Елбасы
АНА. Қазанның 5-і. ҚазАқпарат /Руслан Ғаббасов/ - Қазақстан білім беру туризмін дамыту үшін болашағы бар ел. Бұл туралы бүгін елордадағы Бейбітшілік және келісім сарайында Дүниежүзілк туризм ұйымы Бас Ассамблеясы 18-інші сессиясының ашылу рәсімінде Елбасы Нұрсұлтан Назарбаев мәлім етті,
деп хабарлайды ҚазАқпарат.
«21 ғасырда Қазақстанның инновациялық-технологиялық дамуының базалық бағыты - ол адам әлеуетін нығайтып, интеллектуалдық ұлт құру. Осы орайда Қазақстан білім беру туризмін дамыту үшін болашағы бар ел», - деді Елбасы.
Мұнымен қоса Мемлекет басшысы елімізде ғарыштық туризмге назар аударылып отырғандығын айтып өтті. «Қазіргі кезде әлемде отыздан астам ғарыш айлақтары бар. Алайда Байқоңырдың орны ерекше. Атап айтқанда Байқоңыр - ол дүние жүзіндегі ғарышты дамытудың бесігі. Онымен бүгінде дәуірлік оқиғаларды байластыруға болады», - деді Президент сессияның салтанатты ашылуы кезінде сөйлеген сөзінде.