+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Қазақстан Бакуде өткен ЭЫҰ отырысына қатысты

2019 жылғы 5 желтоқсан 03:18
Бөлісіңіз:
Қазақстан Бакуде өткен ЭЫҰ отырысына қатысты

БАКУ. ҚазАқпарат – Бакуде Экономикалық ынтымақтастық ұйымына (ЭЫҰ) мүше мемлекеттердің ауыл шаруашылығы министрлерінің 6-шы отырысы өтті, оған Қазақстанның атынан Ауыл шаруашылығы вице-министрі Нұрбек Дайырбеков қатысты. Отырыс қорытындысы бойынша Ауыл шаруашылығы бойынша Баку декларациясы қабылданды, деп хабарлайды «ҚазАқпарат» ХАА тілшісі.

«Қазақстан ЭЫҰ қызметіне қатысуға үлкен мән береді. Бұл үшін өңірлік және көпжақты ынтымақтастықтың тиімділігі қажетті шарт болып отыр. Қазақстан Ұйымды оған мүше елдер арасындағы әлеуметтік-экономикалық және техникалық ынтымақтастықты дамыту жөніндегі пәрменді құрал ретінде қарастырады. ЭЫҰ көпжақты экономикалық ынтымақтастық, тиімді коммуникациялық желі үшін негіз болып отыр және кеңейтілген аймақтың экономикалық және азық-түлік қауіпсіздігі мен тұрақтылығына жәрдемдеседі», - деп атап өтті вице-министр.

Сондай-ақ Н.Дайырбеков қатысушыларды Қазақстанның АӨК саласындағы саясаты туралы хабардар етті.

«Қазақстандағы ауыл шаруашылығы секторы экономиканың болашағы зор салаларының бірі, оны дамытуға ерекше назар аударылады және мемлекет тарапынан қолдау көрсетіледі. ҚР - да соңғы 5 жылда ауыл шаруашылығы өнімдерін және оны қайта өңдеу өнімдерін өндіру 1,4 есеге артты. АӨК еңбек өнімділігінің орташа жылдық өсу қарқыны 24%-ды құрады. Бұл сала бизнес үшін тартымды болып отыр. Осы уақыт ішінде секторға 3,3 млрд. теңге тартылды. Сондай-ақ өндіріс көлемін одан әрі ұлғайту үшін үлкен әлеуетке ие», - деді Н.Дайырбеков.

Авторы Бекбау Тайманов

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT