+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстан азаматтары саусақ ізімен мемқызмет ала алады

2019 жылғы 15 қаңтар 11:52
Бөлісіңіз:
Қазақстан азаматтары саусақ ізімен мемқызмет ала алады

АСТАНА. ҚазАқпарат - Мемлекеттік қызметтерді саусақ ізімен алу тетігі 2019 жылдың қыркүйегінде толықтай іске қосылады. Бұл туралы бүгін Үкіметтің селекторлық режімдегі отырысында "Азаматтарға арналған үкімет" мемлекеттік корпорациясы басқарма төрағасы Абылайхан Оспанов айтты, деп хабарлайды ҚазАқпарат тілшісі.

"Мемлекеттік қызметтерді алу процесін жеңілдету үшін біз қызмет алушылардың жеке басын растаудың жаңа механизмін іске қостық. Енді азаматтар қызметті бет-бейнесі немесе саусақ іздерінің көмегімен ала алады, соның арқасында электронды цифрлық қолтаңба қолдану немесе жеке куәлікті ұсыну қажеттілігі жоғалады", - деді ол.

Оның айтуынша, бұл базаны қаржы, коммерциялық қызмет көрсету және қауіпсіздік салаларында, сондай-ақ ғимаратқа кіру жүйесінде пайдалануға болады.

"Бұндағы артықшылықтар келесідей: Азаматтардың жеке деректерінің қорғалуының күшеюі; өз бетінше алынатын қызметтер санының артуы; қызметтерді алу кезінде бөгде азаматтардың қатысуын болдырмау", - деді А.Оспанов.

Басқарма төрағасының сөзіне қарағанда, ілкі жоба 2018 жылғы 12 желтоқсанынан бастап Астана және Алматы қалаларында іске қосылған.

"Ал толықтай биыл қыркүйек айында іске қосылады деп жоспарлануда", - деді ол.

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT