22:50, 16 Сәуір 2019 | GMT +6
Қазақстан аумағымен өтетін контейнерлік тасымал көлемі ұлғайды
НҰР-СҰЛТАН. ҚазАқпарат - Қазақстан арқылы өткен контейнерлік тасымалдың жалпы көлемі 54%-ке өсті. Бұл туралы Индустрия және инфрақұрылымдық даму министрлігінің баспасөз қызметі хабарлады.
2019 жылдың қаңтар-наурыз айларында Қазақстан арқылы өткен контейнерлік тасымалдың жалпы көлемі 114,2 мың ЖФЭ-ті құрады және өткен жылдың сәйкес кезеңімен салыстырғанда 54%-ке жоғарлады (2018 жылдың қаңтар-наурызында 74,2 мың ЖФЭ).
ҚХР-ЕО-ҚХР бағыты бойынша бұл көрсеткіш 62,7 мың ЖФЭ-ті құрады және өткен жылдың сәйкес кезеңімен салыстырғанда 54%-ке өсті.
Автомобиль көлігімен тасымалданған транзитті тасымал көлемі 392 мың тоннаны құрады және өткен жылдың сәйкес кезеңімен салыстырғанда 18%-ке өсті (2018 жылдың қаңтар-наурызында 332 мың тонна).
Қазақстан аумағы арқылы өткен транзитті тасымалдың жалпы көлемі 4,16 млн тоннаны құрады.
Темір жол көлігімен тасымалданған транзитті тасымал көлемі 3,77 млн тоннаны құрады.