+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Қазақстан ауаның ластануы жағынан әлемдік рейтингтің ондығына енді

2017 жылғы 27 ақпан 12:37
Бөлісіңіз:
Қазақстан ауаның ластануы жағынан әлемдік рейтингтің ондығына енді

АСТАНА. ҚазАқпарат - Қазақстан ауасының ластануы жағынан Орталық Азияда алдыңғы орындардан көрінді. Бұл туралы туралы британдық The Eco Experts ұйымының зерттеуінде айтылған, деп хабарлайды ҚазАқпарат.

«Аталған ұйым сарапшылары қоршаған ортаның 5 факторын негізге ала отырып, 135 елден деректер жинақтады. Осы орайда жан басына шаққандағы энергияны тұтыну, отын жағудан көмірқышқыл газының (СО2) деңгейі, ауаның ластануы, ауаның ластануына байланысты өлім-жітім жағдайлары, жаңаратын энергия көздері бағытындағы мәселелер қамтылды»,- деп жазады ca-news.org.
null

Зерттеу нәтижесі бойынша Қырғызстан Орталық Азияда қоршаған ортадағы улағыш құрамдасы жағынан таза мемлекет болып танылды. Аталған көрсеткіш аясында екінші орыннан Тәжікстан көрінді. Ал Орталық Азияда ең токсинді мемлекеттер ретінде Қазақстан мен Түркменстан анықталды.

The Guardian мәліметінше, 2020 жылға қарай Қытай жаңаратын энергия көздеріне 292 млрд. фунт стерлинг инвестиция салуға ұмтылуда. Бұл тұрғыда ҚХР «жасыл» болашақ жолына белсенді қадамдар бастағаны көрініп отыр.

Сонымен қатар еуропалық елдер арасында Люксембург ең токсинді болып тіркелді. Бұл мемлекет көршілес елдерден келетін ластағыш құрамдастан қатты зардап шегуде, әсіресе бұған Германия мен Бельгия әсер етуде.

Сонымен, назарларыңызға әлемде токсиндік деңгейі жағынан алғашқы ондыққа еніп отырған елдерді ұсынамыз:

- Сауд Арабиясы;

- Кувейт;

- Қатар;

- Бахрейн;

- Біріккен Араб Әмірліктері;

- Оман;

- Түркменстан;

- Ливия;

- Қазақстан;

- Тринидад және Тобаго.

Баяндамаға сәйкес, токсиндігі ең төмен елдердің қатарынан Кения, Мозамбик және Эфиопия табылды. Өндірістік қуаттардың жоқтығынан бұл мемлекеттерде ауаның ластануы байқалмады. Бүгінде Африкада ауызсу сапасы нақты проблемаға айналып отыр.

Біздің каналымызға жазылыңыз:

Басты сөздер: Әлем,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT