Қолданушы баптаулары
Қолданушы баптаулары
+7 (701) 759 90 19 Лента
Астана: 23 °С
Алматы: 31 °С
USD 340.27 EUR 396.31
RUB 5.39 CNY 52.39
Жаңалықтар

Қазақстан астықты контейнермен экспорттай бастайды

2017 жылғы 15 қараша 14:36 1988
Бөлісіңіз:
Қазақстан астықты контейнермен экспорттай бастайды

АСТАНА. ҚазАқпарат - Қазақстан астықты контейнермен экспортқа шығаруды жолға қоймақ.  Бұл туралы бүгін Үкімет үйінде өткен баспасөз мәслихатында «ҚТЖ - Жүк тасымалы» АҚ-ның президенті Оралхан Құлақов айтты, деп хабарлайды ҚазАқпарат.

«Біз астық тасымалдаудың жаңа технологияларын енгізу бағытында да жұмыс жүргізудеміз. Мәселен, осы жылдың қазан айында «Құрық-Алят-Ахалкалаки-Карс-Мерсин» жаңа бағытында контейнермен астық тасымалдаудың  ілкі жобасын жүзеге асырдық. Келешекте аталған бағытта ай сайын 10 мың тоннаға дейін астықты тасымалдау жоспарлануда», - деді Құлақов.

Оның айтуынша, ұн тасымалдаудағы проблема астық тасымалдауда туындайтын жайттармен бірдей десе де болады. Жалпы еліміз ұнының негізгі бөлігі Ауғанстанға тасымалданады.

«Ауғанстан бағытындағы логистика жеткізу жылдамдығының өте төмендігімен және Ауғанстанның Хайратон, Акин және Тургунди қабылдау стансаларындағы жүкті түсіру мүмкіншілігінің әлсіздігімен сипаталады. Себебі ауған тарабында вагондағы жүкті  түсіру автоматтандырылмаған. Жүк түсіретін стансаларды тауарлар іркілісі де жиі орын алады», - деді ол.

 

 


Бөлісіңіз:

Автор:

Марлан Жиембай

Онлайн қызметкерлер
Редактор
Айдар Оспаналиев
Айдар Оспаналиев
954-059
Редактор
Ербол Жанат
Ербол Жанат
954-059
Мұрағат