+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Қазақстан арқылы интернет-сәлемдеме транзитін 6 есеге ұлғайтуға болады - Руслан Дәленов

2019 жылғы 19 маусым 12:13
Бөлісіңіз:
 Қазақстан арқылы интернет-сәлемдеме транзитін 6 есеге ұлғайтуға болады - Руслан Дәленов

НҰР-СҰЛТАН. ҚазАқпарат - Таяу жылдары Қазақстан арқылы интернет-сәлемдеме транзитін 6 есеге ұлғайтуға болады. Бұл туралы бүгін халықпен есептік кездесу өткізіп жатқан Ұлттық экономика министрі Руслан Дәленов айтты, деп хабарлайды ҚазАқпарат тілшісі.

«Таяу 5 жылдың ішінде электронды сауда айналымы 1 трлн долларға артатындығы күтіліп отыр. Біз Еуропа мен Қытай арасында, тұтынушы мен сәлемдемелерді жөнелтушілердің арасында өте тиімді орналасқанбыз. Сондықтан көлік легін Қазақстан арқылы жөнелтудің келешегі үлкен. Бұл үшін барлық инфрақұрылым бар. Мұндай сәлемдемелерді рәсімдеу үшін барлық кедендік түзетулер енгізілген. Біз таяу жылдары Қазақстан арқылы интернет-сәлемдеме транзитін 6 есеге ұлғайтуға болады деп есептейміз», - деді министр.

Оның атап өтуінше, онлайн-сауданы ынталандыру үшін Интернетте электронды әдіс арқылы сауда жасайтындарға табыс салығы мен корпоративтік табыс салығы бірнеше жылға алынып тасталған. Экспортқа арналған тауарларды декларациялау да жеңілдетілген.

«Ендігі уақытта Интернет арқылы сатып алынатын пошта құжаттары немесе сәлемдемелер көтерме рәсімделуі мүмкін. Енді пошта құжаттары декларация ретінде танылады. Электронды сауда өте қарқынды дамып келеді және барынша тиімді сектор саналады», - деді Руслан Дәленов.

null

Министрліктің дерегінше, елімізде тұтынушылардың құқығын қорғау институты күшейтіліп жатыр. Электрондық саудадағы сатып алушы кәдімгі саудадағыдай қорғалған. Электрондық сауда шарттары жақсартылуда. Өткен жылы оның бөлшек саудадағы үлесі 1,9-дан 2,9 пайызға немесе 92 млрд теңгеге ұлғайды.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT