+7 (701) 759 90 19 Лента
USD 386.77 EUR 427.26
RUB 6.00 CNY 54.56
Jańalyqtar

Аралда қанша су қалды

2019 жылғы 23 тамыз 20:23
Бөлісіңіз:
Аралда қанша су қалды

НҰРСҰЛТАН. ҚазАқпарат – ҚР Экология, геология және табиғи ресурстар вице-министрі Ерлан Нысанбаев Аралдың Қазақстанға тиесілі бөлігінде қанша су қалғанын айтты, деп хабарлайды ҚазАқпарат тілшісі.

Вице-министрдің айтуына қарағанда, Қазақстан жыл сайын Үлкен Аралға 4,5 млрд текше метр су құйып отыр.

«Үлкен Аралды қалпына келтіру қиындау. Себебі, Сыр мен Әмудария өзенінің бойында адамның тірлігі жылдан-жылға ұлғаюда . Адамдар саны көбейіп жатыр. Қазақстанның Аралды сақтап қалуға қосқан үлесі –Кіші Аралды сақтап қалғаны. Кіші Аралды сақтап қалу арқылы қаншама жерді тұзданудан сақтап отырмыз. Үлкен Арал қазіргі күнде жоқ деуге де болады. Азын-аулақ қана суы бар. Біз жылына Сырдария бойынша 4-4,5 млрд текше метр суды Үлкен аралға тастаймыз. Әрине, ол қаңсыған Аралдың жұмырына да жұқпайды. Оған кем дегенде жылына 20-30 млрд текше метр су келіп құйылуы керек. Бірақ, адам тіршілігін тоқтатуға болмайды. Сырдың бойында отырған халық та, Оңтүстік пен Өзбекстан халқы да жыл сайын көбейіп келеді. Адамзаттың тірлігі тек Аралға емес, бүкіл ғаламшарға әсерін тигізіп жатыр», - деген министрлік өкілі Аралдың құрғап қалған табанына сексеуіл егу жалғасып жатқанын атады.

«Қазіргі күнде Кіші Аралдың өзінде 30 млрд т екше метрден астам су бар. Су пайда болғалы маңайында тіршілік те жанданды. Көктемде біздің министрлік Корея Республикасының Орман шаруашылығы қызметімен бірлесіп Арал теңізінің құрғаған түбін фитоорманмен мелиорациялау бойынша гранттық жобаны іске асырып, Қызылорда облысында 5,0 мың гектар алқапқа сексеуіл екті», - деді Ерлан Нысанбаев.

Еске салсақ, Еске салсақ, Ерлан Нысанбаев брифинг барысында браконьерлер бір жарым жылда 700-ден астам киікті қырып салғанын айтқан болатын.

Брифинг барысында вице-министр қорықшыларға оқ өткізбейтін кеудешелер берілуі мүмкін екенін мәлім етті.

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Мухамедиярова Жанара
Мухамедиярова Жанара
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT