Қолданушы баптаулары
Қолданушы баптаулары
+7 (701) 759 90 19 Лента
Астана: 23 °С
Алматы: 32 °С
USD 336.39 EUR 390.28
RUB 5.36 CNY 52.42
Жаңалықтар

Қазақстан Аралды құтқаруға арналған жобаларды қолдауға әзір - Гүлшара Әбдіқалықова

2018 жылғы 14 маусым 12:07 353
Бөлісіңіз:
Қазақстан Аралды құтқаруға арналған жобаларды қолдауға әзір - Гүлшара Әбдіқалықова

АСТАНА. ҚазАқпарат - ҚР Мемлекеттік хатшысы Гүлшара Әбдіқалықова Түрікменстанның Қазақстандағы Төтенше және Өкілетті елшісі Тойлы Көмековпен кездесті, деп хабарлайды ҚазАқпарат тілшісі.

Ұқсас жаңалықтар

Кездесу кезінде Г.Әбдіқалықова екі елдің арасындағы байланыстардың күшейіп келе жатқанын айрықша атап өтті. Оған Қазақстан мен Түрікменстан президенттерінің қарым-қатынасы серпін беріп отыр. «Өткен жылы президенттеріңіз Қазақстанға мемлекеттік сапармен келіп кетті. Сол кезде ондаған келісім рәсімделді. Аталған құжаттардың ішінде стратегиялық әріптестік туралы келісім де бар. Екі елдің басшылары ауқымды әрі батыл мақсаттарды қойды. Атап айтқанда, өзара тауар айналымын барынша арттыру қажет. Сондықтан атқарылатын жұмыс көп», - деді Г.Әбдіхалықова.

Мемлекеттік хатшы Аралды құтқару қорының жұмысына да тоқталды. Себебі аталған ұйымның төрағалығы Түрікменстан мемлекетіне тапсырылған болатын. «Осы орайда бірқатар маңызды жобалар бар. Біз оның барлығын қолдауға дайынбыз. Жалпы, біз тығыз қарым-қатынас жасауға мүдделі болып отырмыз. Қазір біздің елімізде маңызды бір кезең басталды. Үлкен реформалар қолға алынып жатыр. Экономика жағынан да, саясат жағынан өзгерістер көп. Әрине, әлеуметтік сала да назардан тыс қалмады. Сіз Президентіміздің бес әлеуметтік бастамасы жайында естіген шығарсыз. Оның ішінде баспанамен қамту, білім беру, шағын несиені көбейту, газбен қамту сияқты маңызды мәселелер бар. Соның барлығын іске асырғанда бірлесіп жұмыс істеуге әзірміз», - деп атап көрсетті Г.Әбдіхалықова.

Айта кетейік, өткен жылы Қазақстан мен Түрікменстан арасындағы тауар айналымы 99,3 миллион долларды құрады.


Бөлісіңіз:

Автор:

Арман Асқаров

Онлайн қызметкерлер
Редактор
Айдар Оспаналиев
Айдар Оспаналиев
954-059
Редактор
Ербол Жанат
Ербол Жанат
954-059
Мұрағат