+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Қазақстан 42 мың тонна бензин экспорттады

2019 жылғы 12 қараша 10:58
Бөлісіңіз:
Қазақстан 42 мың тонна бензин экспорттады

НҰР-СҰЛТАН. ҚазАқпарат - Қазақстанның ішкі нарығында жанар-жағармай тапшылығы байқалмайды. Бұл туралы бүгін Үкімет отырысында еліміздің 10 айдағы әлеуметтік-экономикалық даму қорытындысы жайында баяндаған ҚР Энергетика бірінші вице-министрі Махамбет Досмұхамбетов айтты, деп хабарлайды ҚазАқпарат тілшісі.

Ұқсас жаңалықтар
СҚО-да Бескөл ауылының 80 үйі орталық жылу жүйесіне қосылады

«Жыл басынан бері 10 ай ішінде мұнай өңдеу көлемі 14,17 млн тоннаны құрады. Бұл 2018 жылдың ұқсас кезеңімен салыстырғанда 5 пайыз өсім көрсетіп отыр. Бірақ 10 айдың жоспарынан 1,2 пайыз төмен. Бұл ретте, осы жылдың 17 млн тонна көлемінде жоспарын 17,1 млн тоннаға дейін көтеріп отырмыз. Сонымен, көрсеткіш орындалатын болады», - деді ол.

Оның атап өтуінше, негізгі мұнай өнімдері – бензин, дизель отынын, әуе отынын және мазутты өндіру көлем 10,5 млн тоннаны кұрады. 2018 жылдың ұқсас кезеңімен салыстырғанда өсім 10,2 пайыздан асады.

«Автобензин өндіру көлемі 3,6 млн тоннаны құрады немесе 2018 жылдың ұқсас кезеңіне 12,5 пайызға өсуде. Автобензин өндіру көлемі еліміздің ішкі тұтынуын толық қамтамасыз етеді. Осы жылы шілде айынан бастап автобензин экспорты басталды, экспорт көлемі 42,6 мың тоннаны құрады. Жалпы, мұнай өнімдері нарығында жағдай тұрақты. Жанар-жағармай тапшылығы байқалмайды», - деді бірінші вице-министр.

Оның дерегінше, биылғы жылғы 11 қарашадағы жағдай бойынша Қазақстанда Аи-92 маркалы бензиннің бөлшек сауда бағасы 148,5 теңгені құрайды.

«Әуе отынын өндіру көлемі 524,5 мың тоннаны немесе 2018 жылдың ұқсас кезеңімен салыстырғанда 182 пайызды құрап отыр. Дизель отыны 4,1 млн тонна өндірілді немесе 2018 жылдың ұқсас кезеңімен салыстырғанда 108,1 пайызға артық. Биылғы жылғы 11 қарашадағы жағдай бойынша Қазақстанда жазғы дизель отынының бөлшек сауда бағасы 193 теңгені құрайды. 11 қарашадағы жағдай бойынша ішкі нарықтағы жанар-жағармай қалдықтарының қоры туралы атап өтсем: Аи-92 бензині – 185,2 мың тонна, дизель отыны – 133,1 мың тонна», - деді М.Досмұхамбетов.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT