Қазақстан 30-дан астам мемлекетпен визалық режимді жеңілдету келіссөзін жалғастырып жатыр
«Қазіргі уақытта Еуропа, Америка, Азия, Африка мен ТМД-ның жалпы 32 елімен визалық режимді жеңілдету туралы келіссөздер жүргізіліп жатыр. Әр аймақтағы жұмыстың ерекшелігі айтарлықтай өзгеше екенін түсіну маңызды, сондықтан құжаттарды қабылдау мерзімдерін болжау қиын. Алда ауқымды бірлескен жұмыс күтіп тұр, оның нәтижесі Қазақстан Сыртқы істер министрлігінің тұрақты брифингтері барысында ресми түрде жарияланады», - делінген Сыртқы істер министрлігінің «ҚазАқпарат» агенттігіне берген жауабында.
Бұдан бұрын хабарланғандай, Қазақстан азаматтары ұлттық төлқұжатпен әлемнің 29 мемлекетіне визасыз сапарлай алады.
Биыл маусым айында Премьер-Министрдің орынбасары – Сыртқы істер министрі Мұрат Нұртілеу мен Люксембург Ұлы Герцогтігінің Сыртқы және еуропалық істер жөніндегі министрі Жан Ассельборн екі ел азаматтары үшін виза режимін жеңілдету мәселесін талқылады.