Қазақмыстықтар Балқаш пен Жезқазғанда 2 мың ағаш пен көшет отырғызды
Балқаштағы орталық саябақта жас ағаштар мен көшеттер отырғызылды.
Мұнда «Kazakhmys Smelting» ЖШС Балқаш мыс балқыту зауытының қызметкерлері мың көшет екті. Олар Бөкейханов көшесіне кірер тұстағы учаскеге отырғызылды.
Компания Қарағанды көшеттігінен 500 үйеңкі мен қарағаш бұтағын сатып алды.
Балқаш мыс балқыту зауыты ағаштар мен көшеттерге уақытылы су құюды қамтамасыз етті. Осы мақсатта кәсіпорын жергілікті әкімдікпен келіссөз жүргізді.
«Kazakhmys Smelting» ЖШС санитарлық-қорғау аймағы жобасы мен көгалдандыру жобасын жасады. Барлық жерге құрылыс салынған немесе ағаш отырғызуға жарамсыз болғандықтан, жергілікті атқарушы органмен келіссөздер жүргізілді. Соның нәтижесінде суармалы көктемгі егіс жұмыстарын жүргізуге алаң берілді», - дейді «Kazakhmys Smelting» ЖШС Қоршаған ортаны қорғау бөлімінің бас маманы Ольга Поликарпова.
Оның сөзінше, Балқаш қаласында көктемгі көгалдандырумен қатар, күзгі ағаштар мен бұталарды отырғызу жұмыстары да жоспарланған.
Көшеттер Ағыбай батыр көшесі мен Әлімжанов көшесінің бойындағы көпірден шығатын бөлікте пайда болады.
Жасыл алқаптарды суғаруды да қала әкімдігі өз мойнына алады.
Сонымен қатар 2023 жылдың қыркүйегінде Балқаш мыс балқыту зауытындағы күкірт қышқылы цехін күрделі жөндеуден өткізу жоспарланып отыр.
Мұның барлығы қала экологиясына оң әсерін тигізеді, дейді компания.
Жезқазғанда «Kazakhmys Smelting» ЖШС жұмысшылары мыңға жуық үйеңкі көшетін отырғызды. Жас ағаштар «Наурыз» саябағына сән берді.
Облыс орталығында жасыл желек отырғызу мақсатындағы экологиялық акцияға кәсіпорынның 100-ден астам қызметкері, сондай-ақ «Kazakhmys Smelting» ЖШС бас директоры Жәнібек Байғабелов пен қалалық мәслихат депутаты Мұрагер Шаяхметов қатысты.
Компанияның бірінші басшысы «Қазақмыс» корпорациясы» осындай экологиялық акцияларды жыл сайын өткізіп тұратынын атап өтті.
Ал алдағы уақытта компания орналасқан аймақтарды көгалдандыру жұмысы жалғасын табатыны сөзсіз.
Корпорация экологиялық мәселелерге үлкен мән береді.