Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Қазақмыс балаларға 5 миллионнан астам теңгенің сыйлықтарын тарту етті

2011 жылғы 1 маусым 17:35 30
Бөлісіңіз:

АЛМАТЫ. 1 маусым.  ҚазАқпарат /Ерлік Ержанұлы/ - Балаларды қорғаудың халықаралық күні Қазақмыс  1,5 мыңнан астам балаға   5 миллионнан астам теңгенің сыйлықтарын тарту етті.

 Компанияның баспасөз қызметі таратқан хабарламаға қарағанда, олардың арасында Қазақмыс корпорациясының  қамқорлығындағы 14 балалар үйіндегі тәрбиеленушілері де бар. 

«Балаларды қорғаудың халықаралық күні - ең әсерлі мерекелердің бірі. Біздің компания осынау күнді жыл сайын атап өтеді. Жаңадан мектеп, балабақша, спорт алаңы  және басқа да әлеуметтік-мәдени нысандарды ашқан сайын біз балаларымыздың өмірін жақсарта түсіп, олардың болашағын жасай береміз деген үміттеміз», - дейді «Қазақмыс корпорациясы» ЖШС-нің Басқарма төрағасы, Қазақмыс тобы Директорлар кеңесінің мүшесі Эдуард Огай.

Оның айтуынша, қазір компания қызметін жүргізіп отырған барлық аймақтарда балаларға арналған арнайы іс-шаралар өткізілуде. Мәселен, Қазақмыс тобының Балқаштағы политехникалық колледжі ұйымдастырған «Балаларға жақсылық әкел" (Добро неси детям)  қайырымдылық апталығы кезінде жиналған қаражат Балқаш қаласындағы балалар үйіне және «Мейірімділік» ерікті қоғамы» қоғамдық бірлестігіне тапсырылды.  

Біздің каналымызға жазылыңыз:

Басты сөздер:
Бөлісіңіз:
Загрузка...
Сондай-ақ... оқыңыз
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT