+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

«Қазақфильмді» жекешелендіретін нысандар тізімінен шығару мәселесі қаралып жатыр

2018 жылғы 2 тамыз 17:15
Бөлісіңіз:
«Қазақфильмді» жекешелендіретін нысандар тізімінен шығару мәселесі қаралып жатыр

АСТАНА. ҚазАқпарат - «Қазақфильмді» жекешелендіретін нысандар тізімінен шығару мәселесі талқылау кезеңінде. Бұл туралы Орталық коммуникациялар қызметіндегі баспасөз мәслихатында ҚР Қаржы министрлігі Мемлекеттік мүлік және жекешелендіру комитеті төрағасының міндетін атқарушы Ғалымжан Ыбырайымов мәлім етті, деп хабарлайды ҚазАқпарат.

«Қазақфильмге» тоқталсақ, оны жекешелендірілетін ұйымдардың тізімінен шығару мәселесі қаралып жатыр. Яғни бұл тақырып талқылау кезеңінде. Егер де менің жеке пікірімді айтатын болсам, «Қазақфильмді» жекешелендірілетін нысандар тізімінен алып тастау ұсынысымен келісемін», - деді Ғалымжан Ыбырайымов.

Естеріңізге сала кетейік, биыл қаңтар айында Парламент Мәжілісінің депутаттары «Қазақфильмді» жекешелендіруге қарсы шыққан болатын.

Мәжіліс депутаттары сонымен бірге бір қауіптің барын алға тартты.

«Студияны сатып алған қожайын өзінің идеологиясын жүргізетін болады. Ол біздің жас өркен таланттарымызды өз мүддесіне мәжбүрлейді. Осы жағдайды ескере отырып, «Қазақфильм» киностудиясын жекешелендіру тізімінен шығару мүмкіндігін қарастыруды сұраймыз», - деді деді Қуаныш Сұлтанов.

Мұнымен қоса, ҚР Мәдениет және спорт министрі Арыстанбек Мұхамедиұлы Шәкен Айманов атындағы «Қазақфильм» киностудиясының мемлекет меншігінде қалғанын жақтайтындығын атап өткен еді.

«Ол жекешелендірілетін нысандардың тізіміне 4-5 жыл бұрын қосылған еді. «Қазақфильмнің» тек 49 пайызы ғана сатылады, ал қалған 51 пайызы қалай десек те мемлекет меншігінде болмақ. Десек те, біз «Қазақфильмнің» мемлекет меншігінде қалуы үшін тырысамыз. Сатып алушы болмаса, қуанамын», - деді министр.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT