+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Қазақфильм» жуырда бірнеше қызықты фильм шығармақ

2019 жылғы 20 қазан 16:12
Бөлісіңіз:
«Қазақфильм» жуырда бірнеше қызықты фильм шығармақ

АЛМАТЫ. ҚазАқпарат – Ш. Айманов атындағы «Қазақфильм» АҚ жуырда киносүйер қауымды бірнеше көркем және деректі фильммен қуантпақ, деп хабарлайды ҚазАқпарат тілшісі.

Ұқсас жаңалықтар
Қазақстандық «Сары мысық» фильмінің тұсаукесері Венецияда өтті

Жұрт тағатсыздана күтіп жүрген көркем фильмдердің бірі – Шәкен Аймановтың 1957 жылы шыққан «Біздің сүйікті дәрігер» музыкалық комедиясының екінші бөлімі. Жаңа картинаның режиссері - Асқар Бисембин. Фильм шамамен 2021 жылдың көктемінде прокатқа шығады.

2020 жылдың аяғында режиссер Сатыбалды Нарымбетовтің «Ұзақ жаңғырық» көркем фильмі көрерменге жол тартады. Картинада поляк жазушысы, Қазақстанға жер аударылған төңкерісші, даланың этнографиялық құндылықтарын жинаған Адольф Янушкевичтің тағдыры сөз болады.

Қазір киностудияда режиссер Болат Қалымбетовтің «Мұқағали» фильмі түсіріліп жатыр. Фильм қазақтың ақиық ақыны Мұқағали Мақатаевтың бұлтарыс-қалтарысқа толы тағдырына, шығармашылығына арналған. Фильм келер жылдың аяғына қарай үлкен экранға шығады.

Биыл қысқа қарай екі деректі фильм көрерменге жол тартады. А. Каменскийдің «Нұркен Әбдіров. Мәңгілік өмір шыңына» деректі фильмінде миллиондаған адам қатысқан соғыс арқылы адам тағдыры суреттеледі. Фильмнің бас кейіпкері – ерлік пен батылдықтың символына айналған қаһарман батыр Нұркен Әбдіров.

Б. Қайырбековтің «Керей жылқысы» қазақ халқының қанаты – жылқыға арналады.

Айта кетейік, 27 қыркүйектен бастап ҚР Мәдениет және спорт министрлігінің тапсырысымен «Қазақфильм» киностудиясы Sataifilm компаниясымен бірге түсірген «Томирис» фильмі көрсетіліп жатыр.

Авторы Еламан Тұрысбеков

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT