+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Қазақ тілін үйренушілерге аудиовизуалды әдіс ұсынылады

2020 жылғы 7 сәуір 13:57
Бөлісіңіз:
Қазақ тілін үйренушілерге аудиовизуалды әдіс ұсынылады

НҰР-СҰЛТАН. ҚазАқпарат – Қазақ тілін аудиовизуалды әдістермен оқыту қолға алынды. «Тіл-Қазына» ұлттық-ғылыми практикалық орталығы онлайн курстың кезекті санын «Қазақ тілін аудиовизуалды әдістермен оқыту» тәсіліне арнаған, деп хабарлайды ҚазАқпарат.

Әдіскер-ғалымдардың пікірінше, тілді оқыту сабақтарында дыбыстық және бейне көрнекілікті жиі және жүйелі түрде қолдану арқылы тілді үйренушілер тобында жасанды тілдік орта қалыптастыру аса маңызды. Өйткені тілдік ортаға бойлау арқылы тіл үйренушілер белсенді түрде тілдік қатынасқа түседі. Сондай-ақ тілдік кедергіні жою арқылы олардың тыңдау, сөйлеу, жазу, оқу дағдылары жетіле түседі. Сондықтан да «Тіл-Қазына» ұлттық-ғылыми практикалық орталығы онлайн курстың кезекті санын «Қазақ тілін аудиовизуалды әдістермен оқыту» тәсіліне арнауды жөн санады. «Мемлекеттік тілді оқыту әдістемесі» онлайн курсын «Тіл-Қазына» ұлттық ғылыми-практикалық орталығы Әдістеме басқармасының басшысы, филология ғылымдарының кандидаты София Қажыақпарқызы жүргізді. Онлайн сабаққа 65 маман қатысып, тіл үйретудің соңғы технологиялары мен әдіс-тәсілдерімен танысты.

- Ақпараттық технологияның қарқынды дамыған уақытында заманауи технологияларды қолдану арқылы сабақты түрлендіріп өткізу, тіл үйренушінің тілді үйренуге деген ынтасын, қызығушылығын оятып, оның сабақтағы белсенділігін арттырады. Осындай заманауи технологияларға құрылған сабақтардың бірі – қазақ тілін аудиовизуалды әдістермен оқыту,- дейді С.Қажыақпарқызы.

Әдіскердің айтуынша, аудиовизуалды материалдар тілдің паралингвистикалық элементтерімен қатар, көзбен көретін, яғни визуалды элементтерді де байқауға, көруге мүмкіндік береді екен. Әрине, ол ақпаратты жылдам қабылдауға, оны тез түсінуге және есінде жақсы сақтауға жол ашады.

Онлайн курста тақырыпқа сай арнайы дайындалған екі минуттық видеожазба негізінде аудиовизуалды әдістің тиімділігі дәлелденіп, қолдану тәсілдері жайлы пайдалы әдістемелік кеңестер берілді, инновациялық жаттығулар түрлері ұсынылады. Тыңдарманға ұсынылған тың ақпаратты ҚР Мәдениет және спорт министрлігінің елдегі төтенше жағдайға байланысты арнайы ашқан Facebook-тегі желісіндегі ONLINE bol парақшасынан танысуға болады.

Айта кетейік, «Мемлекеттік тілді оқыту әдістемесі» онлайн курсы 10 сәуірге дейін жалғасады. Тұрақты тыңдарманға «Тіл-Қазына» орталығының сертификаты табысталады.


Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT