Қазақ тілі ұстаздарының халықаралық қауымдастығы құрылмақ
Симпозиумда Қазақстанда қазақ тілі оқытушыларының халықаралық қауымдастығы құрылады деген жоспар айтылды. Қауымдастықтың басты мақсаты - қазақ тілін оқытудың инновациялық əдістерін жетілдіріп, ол əдіс-тəсілдердің қолданыс аясын кеңейту.
Шараға қатысқан Сенат депутаты Əділ Ахметов қазір елімізде қазақтардың 75-80 пайызы туған тілінде сөйлейтінін жеткізді.
"Назарбаев Университетінде азат елдің тіліне арналған үлкен шара іске асып жатыр. Бұл өте жақсы бастама. ҚР Президенті Нұрсұлтан Назарбаевтың "тілімізден, дінімізден, салт-дəстүрімізден айырылып қалатын болсақ, ұлт болмай қаламыз" деген сөзі бар. Сондықтан, бүгінгі мәселе - тіл болып тұр. Тіл - елдің тірегі. Ең негізгі құралы, ең негізгі символы. Еліміздің ең басты жоғары оқу орны - Назарбаев университетінде тілге осындай деңгейде құрмет көрсетілсе, басқа университеттер одан үлгі алады. Кезінде Елбасы "асықпаңдар, өз уақыты келеді, аз уақыт күтіңдер" деген еді. Міне, қазір қазақтардың 75-80 пайызы қазақ тілінде сөйлейтін болды. Келе-келе, 90-95 пайызға жетеміз. Қазақ тілдің қалқасында орыс тілін білгеніміз артық болмайды, ағылшын тілін білгеніміз - тіпті де артық емес. Ағылшын тілі - ғылымның тілі, мемлекеттік сауда-саттықтың тілі. Тіл маманы болғандықтан айтарым, ағылшын тілі ең оңай тілдердің бірі", - деді симпозиум қонақтарына мотивация берген депутат.
Симпозиум жұмысына еліміз бен шет елдердің əдебиетшілері мен тіл мамандары, түркітанушы ғалымдар, қоғам қайраткерлері мен оқытушылар қатысты.