13:39, 28 Қазан 2017 | GMT +6
Қазақ күресі: Тағы бір қазақстандық келесі айналымға өтті
АСТАНА. ҚазАқпарат - Астанада өтіп жатқан қазақ күресінен әлем чемпионатында 90 келі салмақта сынға түсіп жатқан отандасымыз Әділжан Ыстыбаев алғашқы белдесуінде жеңіске қол жеткізіп, келесі айналымға өтті, деп хабарлайды ҚазАқпарат тілшісі.
Ыстыбаев алғашқы белдесуінде латвиялық Микцик Суцты жарыс жолынан тайдырды.
Еске салсақ, осыған дейін Ерсұлтан Мұзафаров екі белдесуінде де жеңіске жеткен болатын.
Айта кетейік, әлем біріншілігіне 40 мемлекеттен келген 166 спортшы бақ сынап жатыр. Олар 9 салмақ дәрежесінде 40 медаль мен 40 мың АҚШ долларын құрайтын жүлде қорын сарапқа салады. Әр салмақ дәрежесінің жеңімпаздары 2000 АҚШ долларына ие болса, екінші орынға - 1000 АҚШ доллары, үшінші орынға - 500 АҚШ доллары беріледі. Ал абсолютті салмақ жеңімпазы - 5000, екінші орын - 2000, үшінші орын - 1000 АҚШ долларына ие болады.