+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Қазақ күресі: Қазақстандық үш балуан әлем чемпионы атанды

2019 жылғы 15 желтоқсан 20:01
Бөлісіңіз:
Қазақ күресі: Қазақстандық үш балуан әлем чемпионы атанды

АҚТӨБЕ. ҚазАқпарат - Бүгін Ақтөбе қаласында өтіп жатқан қазақ күресінен әлем чемпионатында бірқатар салмақтар бойынша жеңімпаздар анықталды, деп хабарлайды ҚазАқпарат тілшісі.

Әлем чемпионатының финалдық ойындары бүгін 55, 60, 90, 100 және 100 келіден жоғары салмақта өткізілді. Ақтық сынға қазақстандық үш балуан шықты. Олардың қатарында Дәулет Ниетбай (55 келі), Нұрым Сәлімгереев (100 келі) және Руслан Әбдіразақов (100 келіден жоғары) бар. Үш спортшымыз да «алтыннан» алқа тақты.

Дәулет Ниетбай боз кілемде моңғол елінен келген қарсыласынан басым түсті. Ал Нұрым Сәлімгереев грузиялық Давид Лориашвилидің жауырынын жерге тигізді. Руслан Әбдіразақов та ресейлік Роман Бобиковтің осал тұсын таба алды. Естеріңізге сала кетелік, Роман Бобиков желтоқсан айының басында өткен «Әлем барысы» турнирінде Айбек Нұғымаровты жеңіп кеткен болатын.

Өзге салмақтағы кездесулерге тоқталсақ, 60 келідегі моңғолиялық Батцерен Енебиш өзбекстандық Отарбек Хасановты жеңсе, 90 келіде грузин Паата Гвиниашвилли жапониялық Санхоэ Юкиден басым түсті.

Айта кетейік, бүгінгі белдесулерде Ержан Еренқайыпов (60 келі) пен Әділжан Ыстыбаев (90 келі) қола жүлдегер болды.

Әлем чемпионатында енді қазақстандық үш балуан сынға түседі. Олардың қатарында Қуаныш Ысқақов (66 келі), Айдос Налымов (74 келі) боз кілемге шығады. Бұл салмақтағы белдесулер 16 желтоқсанда өткізіледі.

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT