18:14, 28 Наурыз 2014 | GMT +6
Қазақ эстрадасының жұлдыздары салауатты өмір салтын ұстануға шақырады
АЛМАТЫ. ҚазАқпарат - Алматыда ертең қазақ эстрадасының жұлдыздары Мейрамбек Бесбаев, Толқын Забирова, Бақтияр Тайлақбаев, Әлішер Кәрімовтің қатысуымен «Өз өміріңнің ұзақтығы - өз қолыңда» атты акция өтеді.
Бұл туралы қалалық Денсаулық сақтау басқармасының баспасөз қызметінен хабарлады.
Аталмыш шараны қалалық Денсаулық сақтау басқармасы ҚР ДСМ «Денсаулыққа қарай 7 қадам» марафоны аясында ұйымдастырмақ.
Концерттік бағдарламадан кейін әртістер мен келушілер №5 қалалық емханада профилактикалық тексеруден өтеді.
«Сонымен қатар, 4 сәуірде қалалық ардагерлер кеңесінің мүшелерінің атсалысуымен таулы аймақтарда жаяу жүру акциясы ұйымдастырылады», - делінген хабарламада.