+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қазақ бағбандары Нидерланд технологиясын қолданып, өнімділікті 5 есе арттыра алады

2020 жылғы 6 шілде 01:24
Бөлісіңіз:
Қазақ бағбандары Нидерланд технологиясын қолданып, өнімділікті 5 есе арттыра алады

НҰР-СҰЛТАН. ҚазАқпарат - Қазақстандық бағбандар нидерландтық технологияларды қолдана отырып, өнімділікті 5 есе арттыра алады, деп хабарлайды ҚазАқпарат «Kazakh Invest» ҰК» АҚ баспасөз қызметіне сілтеме жасап.

Қазақстанда жеміс-жидек секторын дамыту үшін Нидерланд үкіметі голландиялық кәсіпкерлер тобымен бірлесіп, Қазақстанда жаңа технологияларды енгізуге бағытталған Dutch Fruit Solutions Kazakhstan компаниясының жобасын іске асыруда.

Биылғы жылдың екінші тоқсанында компания өкілдері жобаны іске асырудың белсенді кезеңіне кірісті, Нидерландыдан әкелінген алмұрт, қара өрік, шие, алма, қасқыржем, көкжидек, қарақат және құлпынай, барлығы 8 дақыл отырғызылды.

«Kazakh Invest» ҰК» АҚ Қазақстан Республикасының аумағына жабдықтарды жеткізуге және кедендік рәсімдерден өтуге байланысты мәселелерді шешуге көмек көрсетті. Естеріңізге сала кетейік, инвестиция тарту бойынша бірыңғай оператор инвесторларға 24/7 режимінде көмек көрсетеді.

Dutch Fruit Solutions Kazakhstan жобасы Қазақстандағы тиімді және тұрақты жеміс-жидек секторын дамытуға жәрдемдесу үшін Нидерланды Корольдігінің Үкіметі және компаниялар тобымен құрылды. Қазіргі уақытта консорциумға 14 нидерландық компания кіреді, олардың әрқайсысында заманауи шешімдер мен жаңа технологиялар бар.

Dutch Fruit Solutions Kazakhstan Қазақстанның жеміс-жидек секторындағы ғылыми-зерттеу ұйымдарымен ынтымақтастық туралы келісім жасасуға бағытталған, ол қатты, сүйек жемістері мен жидек дақылдарын өсіру бөлігінде қолданыстағы жеміс шаруашылығы жүйесін жаңартуға және кеңейтуге бағытталған: вирустарсыз отырғызу материалы, қарқынды жеміс бақтарын жобалау және іске асыру. Жоба өнімді жинау кезінде және одан кейінгі қызметті оңтайландыруды қамтиды.

Жобаның мақсаты - тамшылатып суару технологиясы және жоғары технологиялық жеміс бағы бар демонстрациялық аумақты құру болып табылады, онда Нидерландтан бағбандық саладағы үздік технологиялар көрсетіледі. Демонстрациялық аумақта отырғызу материалдарын, алма, алмұрт, қара өрік, өрік, шие көшеттерін орналастыру жоспарлануда. Сондай-ақ, қарақат, көгершін, құлпынай және қасқыржем бар учаскелер жоспарланған. Бұдан басқа, Нидерланды тарапы аграрияларды заманауи отырғызу материалдарымен және өңдеу технологияларымен қамтамасыз етеді, жиналған өнімді Қазақстанның жеміс-жидек секторында сақтауға және өңдеуге көмектеседі.

Бұл шаралар жеміс шаруашылығы өнімдерінің өнімділігі мен сапасын арттыруға, сондай-ақ оның тағамдық қауіпсіздігін жақсартуға мүмкіндік береді. Dfsk консорциумы аясында Нидерландының жетекші университеттері мен институттары В2В сегментінде ғана емес, қазақстандық аграрлық институттармен ынтымақтасатын болады. Бұл тізбектегі үшінші буын – бұл фитосанитария және карантиндік инспекциялар бойынша ауыл шаруашылығының түрлі бағыттары бойынша мемлекеттік деңгейдегі ынтымақтастық.

2019 жылдың қазан айында Қазақстан Премьер-Министрі Асқар Маминнің Нидерланд Корольдігіне ресми сапары барысында Нидерланды Корольдігінің Премьер-Министрі Марк Рюттемен кездесу өтті. Келіссөз барысында тараптар екіжақты инвестициялық және сауда-экономикалық ынтымақтастықтың перспективаларын талқылады.

Сонымен қатар, ҚР Премьер-министрі Асқар Мамин Қазақстан-голландиялық бизнес-форумына қатысып, Shell, BITFURY, SUEZ GROUP, Farm Frites, Dutch Fruit Solutions Kazakhstan компанияларымен келіссөз жүргізіп, бірқатар инновациялық нысандарды аралады.

2019 жылы Нидерландта Қазақ жеміс-көкөніс шаруашылығы ғылыми-зерттеу институты (ҚазЖКШҒЗИ) мен Нидерландтан келген серіктестер - Dutch Fruit Solutions Kazakhstan арасында озық технологияларды қолдана отырып, Талғар ауданында институт аумағында аумағы 2 га болатын демонстрациялық учаске құру туралы келісімге қол қойылды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT