+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«ҚазАгро» холдингі 1,1 мың қызметкерін қысқартады

2019 жылғы 26 қыркүйек 14:03
Бөлісіңіз:
«ҚазАгро» холдингі 1,1 мың қызметкерін қысқартады

НҰР-СҰЛТАН. ҚазАқпарат – «ҚазАгро» холдингінде қызметкерлерді қысқарту жүреді. Бүгін ҚР Парламенті Сенатының жалпы отырысында Ауыл шаруашылығы министрі Сапархан Омаров осылай мәлім етті, деп хабарлайды ҚазАқпарат тілшісі.

«Бүгінде «ҚазАгроның» қарызы бар екенін баршаңызға белгілі. Атап айтқанда, ауыл шаруашылығын қолдауға бағытталып жатқан қаржы «ҚазАгро» қарызын жабуға бөлінбейді. Бұл қаржы бірден «ҚазАгроның» еншілес кәсіпорындарына жіберіледі және олар арқылы тауар өндірушілер несиелендіріледі», - деді министр.

Сонымен қатар ол «ҚазАгро» берешегін жабу бойынша қайта құрылымдау мен холдингті реформалау іске асырылып жатқанын атап өтті.

«Егер бұрындары «ҚазАгро» құрылымында жетіге жуық еншілес кәсіпорын болса, ал талдау нәтижесі бойынша еншілес үш кәсіпорынды жабамыз. Яғни екі кәсіпорын жабылса, береуін – «ҚазАгроКепілді» «Аграрлық несиелік корпорациясымен» біріктіру ескерілген. Себебі олардың қызметтері бірін-бірі қайталап тұр», - деп түсіндірді С. Омаров.

Министрің атап өтуінше, «ҚазАгро» орталық штатында қысқарту жүреді.

«Реформалар нәтижесінде, шамамен 1,1 мың холдинг қызметкерін қысқартуды жоспарлап отырмыз. Осының есебінен 3,2 млрд теңгені үнемдеу ескерілген», - деді ведомство басшысы.

Бұдан бұрын хабарланғандай, «ҚазАгро» холдингі өз қызметін реформалау нәтижесінде 2020 жылдың қорытындысы бойынша таза пайдаға шығуды жоспарлап отыр.

Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT