+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Қайырымды істер марафоны: Қапшағай тасжолы вандалдық жазбалардан тазарады

2021 жылғы 1 шілде 14:02
Бөлісіңіз:
Қайырымды істер марафоны: Қапшағай тасжолы вандалдық жазбалардан тазарады

НҰР-СҰЛТАН. ҚазАқпарат - 4 шілдеде «Қайырымды істер марафоны» жобасының аясында «Jana Dunie» қоғамдық қоры Қапшағай тасжолын вандалдық жазбалардан тазартуға бағытталған акция өткізеді, деп хабарлайды ҚазАқпарат.

«Табиғат та жауап бере алады» тақырыбында қоршаған ортаны қорғауға арналған акцияға жергілікті белсенділер, волонтерлер мен қазақстандық Tik-Tok жұлдыздары қатыспақшы.

«Пандемия мен шекаралардың жабылуы ішкі туризмді дамытудың жаңа мүмкіндіктеріне жол ашты. Кейінгі бір жарым жылдың ішінде қазақстандықтардың дені жергілікті туристік бағдарларға көбірек көңіл бөле бастады. Алайда Қазақстанның табиғи көрнекі орындары мен қасиетті жерлерінде туристер өздерінен кейін тастап кететін қоқыстар мен «жартасқа жазылған жазулардың» да саны көбейіп кетті. Осы ретте экологиялық акция қазақстандықтардың назарын аталған проблемаға аудартып, табиғатқа бастапқы көркі мен бірегей сұлулығын қайтаруды көздейді», - делінген ұйымдастырушылар таратқан релизде.

Жобаға «Kazakh Tourism», «Amaty VitRina», фотографтар бірлестігі мен қазақстандық тиктокерлер қолдау білдірген. Мұндай акциялар Қазақстанның бірнеше аймағында, атап айтқанда Қарқаралы мемлекеттік ұлттық табиғи паркі мен Бурабайда өткен.


Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT