+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

«Қайырымды істер марафоны»: Балаларға арналған 400-ден астам жоба жүзеге асырылды

2021 жылғы 16 маусым 18:14
Бөлісіңіз:
«Қайырымды істер марафоны»: Балаларға арналған 400-ден астам жоба жүзеге асырылды

НҰР-СҰЛТАН. ҚазАқпарат - Тәуелсіздіктің 30 жылдығына орай Мемлекет басшысы бастамашылық еткен «Қайырымды істер марафоны» аясында бүкіл Қазақстан бойынша қайырымдылық және әлеуметтік маңызы бар іс-шаралар өтуде.

Ұқсас жаңалықтар
Елордада балалар коронавируспен жиі ауыра бастады - инфекционист дəрігері Алексей Цой: Балаларды оқу жылы басталғанға дейін вакциналау күн тәртібінде тұрған жоқ

Бұл туралы ҚазАқпарат ҚР Ақпарат және қоғамдық даму министрлігінің баспасөз қызметіне сілтеме жасап хабарлайды.

«Қайырымды істер марафоны» аясында қазақстандықтар балаларға, балалар үйінің тәрбиеленушілеріне және көп балалы отбасылардан шыққан балаларға арнап, 400-ден астам акция мен қайырымдылық жобаларын ұйымдастырды.

Мысалы, Қарағандыда демеушілердің қолдауымен мүмкіндігі шектеулі балалар үшін робототехника мектебі, сондай-ақ Мейірімділік мектебі ұйымдастырылды, онда балалар қоршаған ортаға ұқыпты қарау, экология мәселелері туралы білім алуда.

Түркістан облысында да «Қайырымды істер марафоны» дәстүрі жалғасуда. Онда Төлеби ауданының балалар ауылының тәрбиеленушілеріне сыйлық жасалды: «Daryn.Online» білім беру платформасымен бірлесіп, жастар ресурстық орталығы барлық оқушыларға түрлі пәндер бойынша тегін жылдық курстар ұсынды.

Жалпы, 2021 жылдың 16 маусымына «Қайырымды істер марафоны» республикалық жобасы аясында жыл басынан бері 7000-нан астам қайырымдылық және волонтерлік іс-шаралар іске асырылды.

160 000-нан астам мұқтаж азаматтарға қолдау көрсетілді.

Марафонды ұйымдастыруға 100-ден астам ұйым, соның ішінде «Самұрық-Қазына» АҚ, «Верный капитал» компаниялар тобы, «ERG» және басқа да ірі компаниялар қосылды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT