13:45, 01 Желтоқсан 2016 | GMT +6
Қайрат Нұртас Назарбаевқа деген халықтың ыстық ықыласын әнмен жеткізді
АСТАНА. ҚазАқпарат - Әнші Қайрат Нұртас Елбасы Нұрсұлтан Назарбаевқа деген халықтың ыстық ықыласын әнмен жеткізді. Әнді ол бүгін елордада өткен Республикалық жастар форумында орындады, деп хабарлайды ҚазАқпарат.
«Құрметті Нұрсұлтан Әбішұлы! Бүгінгі бәріміз үшін атаулы мерекеде тілектеріміз жүрек түбін кернеп, кеудемізге симай тұр. Сіз біздің бағымыз болған Елбасымызсыз. Біз бір белеске жеткен болсақ, ол ең алдымен еліміздегі бейбіт күннің, тұрақтылықтың, халқымыз үшін жасалған сіздің ерен еңбегіңіздің жемісі деп білеміз. Замандастарыма, осы бейбіт күннің қадірін біліп, шүкіршілік етіп, еліміздің дамуы үшін бірлігімізді берік ұстайық дегім келеді. Әрине, құрметті Нұрсұлтан Әбішұлы сізді Тәуелсіздігіміздің 25 жылдық мерекесімен құттықтағым келіп отыр. Қазіргі орындалатын ән еліміздің өзіңізге деген ыстық ықыласы деп қабыл алғайсыз», - деді Қайрат Нұртас.