13:19, 16 Қараша 2015 | GMT +6
«Қайрат» ФК жанкүйерлерін Астанаға апарады
АЛМАТЫ. ҚазАқпарат - «Қайрат» ФК жанкүйерлерін Астанаға апарады. Арнайы автобус қаладан 20 қарашада сағат 10:00-де шығады. Матч біткен соң автобус бірден Алматыға қайтады.
«Көлікке билет алу үшін [email protected] электронды поштасына хабарласуын сұраймыз. Өтінімде өзіңіздің аты-жөніңіз, байланыс мәліметтері, жеке құжатыңыздың көшірмесі көрсетілуі керек», - деді ФК жанкүйерлермен жұмыс бөлімінің маманы Әлішер Әнуаров. Автобус тегін болғанымен, көлікте орын шектеулі. Айта кетейік, «Астана» мен «Қайрат» командалары Қазақстан кубогының финалында кездесетін болды. Матч 21 қарашада Астанада өтеді.