«Қайрат» екі легионердің кеткені туралы ақпаратты жоққа шығарды

АСТАНА. ҚазАқпарат - «Қайрат» футбол клубы командадан екі легионердің кеткені туралы бұрын БАҚ-та тараған ақпаратты жоққа шығарды, деп хабарлайды «SPORTINFORM» САА.

«Кейбір бұқаралық ақпарат құралдарында «Қайрат» ФК шабуылшылары Уго Сильвейра мен Чума Анененің командадан кеткені туралы хабар тараған болатын. «Қайрат» ФК осы ақпараттың шындыққа жанаспайтынын мәлімдейді. Қазіргі уақытта екі футболшы да - клубта», - делінген «Қайрат» ФК ресми мәлімдемесінде.