+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Қайрат Әбдірахманов БҰҰ Бас хатшысы Антониу Гутерришпен кездесті

2018 жылғы 29 қыркүйек 15:57
Бөлісіңіз:
Қайрат Әбдірахманов БҰҰ Бас хатшысы Антониу Гутерришпен кездесті

НЬЮ-ЙОРК. ҚазАқпарат - Сыртқы істер министрі Қайрат Әбдірахманов БҰҰ Бас хатшысы Антониу Гутерришпен кездесу өткізіп, оның барысында әлемдік ұйымның және халықаралық қатынастардың өзекті мәселелері бойынша пікір алмасты, деп хабарлайды ҚазАқпарат ведомствоның баспасөз қызметіне сілтеме жасап.

Министр Ақтау қаласында өткен Каспий саммиті, Халықаралық Аралды құтқару қорының құрылтайшы мемлекеттері басшылары деңгейіндегі отырысының және Түркі тілдес мемлекеттердің ынтымақтастық кеңесі саммитінің қорытындылары туралы хабардар етті. СІМ басшысының айтуынша, Қазақстан Бас хатшыға БҰҰ-ны реформалау, тұрақты дамудың мақсаттарына қол жеткізу, қазіргі заманғы қауіп-қатерлерге қарсы тұру және Ұйымның Орта Азиядағы қатысуын қамтамасыз етуде қолдауын жалғастыруға ниетті.

А. Гутерриш Каспий теңізіндегі Ақтау саммитінің тарихи маңыздылығын атап өтіп, БҰҰ Орталық Азия мемлекеттерінің ынтымақтастығын одан әрі нығайтуға дайын екендігін білдірді. Ол Қазақстан бастамасымен ұсынылған «Терроризмнен азат әлемге қол жеткізу» үшін мінез-құлық Кодексін қолдайтындығын айтты.

«Біз әлемнің берік тірегі болып табылатын Президент Н. Назарбаевтың бастамаларын жоғары бағалаймыз. Қазақстанның БҰҰ Қауіпсіздік Кеңесіндегі конструктивті рөлі өте маңызды. Сіздің еліңіз даналықтың дауысы және көпірлерді орнатудың жақтаушысы болып табылады», - деді Бас хатшы. А. Гутерриш Астананың Сириядағы дағдарысты реттеудегі рөлін ерекше атап өтті. Бұның салдарынан ең нашар сценарийді дамытуға жол берілмеді. БҰҰ Бас хатшысының айтуынша, Қазақстан дипломатиясының рөлі елдер мен діндер арасындағы өзара түсіністікті нығайтуда өте оң болып бағаланады.

Бас Ассамблеяның 73-ші сессиясының аясында Қ. Әбдірахманов Грекияның Сыртқы істер министрі Никос Котзиаспен кездесу өткізіп, оның барысында «экономикалық дипломатия» және Орталық Азия мен Балқан аймағы елдерінің ынтымақтастығы талқыланды. Тараптар жақын арада екіжақты саяси консультацияларды өткізу туралы уағдаласты. Орталық Азия мен Балқан елдерінің арасында тұрақты диалог орнату идеясы айтылды.


Доминикан Республикасы Сыртқы істер министрі Мигель Варгаспен кездесуде екіжақты шарт-құқықтық базаны одан әрі кеңейту мәселелері талқыланды. Армения Сыртқы саяси ведомствосының басшысы Зограб Мнацаканянмен кездесуде саяси, сауда-инвестициялық, мәдени-гуманитарлық ынтымақтастықты, сондай-ақ аймақтық ұйымдар шеңберіндегі өзара іс-қимылдарды нығайту мәселелері негізгі назарда болды.

Ангола Сыртқы істер министрі Мануэль Аугуштумен сұхбат барысында БҰҰ шеңберіндегі ынтымақтастық, Бейбітшілік пен Қауіпсіздік Кеңесін басқаратын Ангола Қазақстанның Африка Одағымен қарым-қатынасы, сондай-ақ инвестициялық және сауда-экономикалық байланыстардың перспективалары талқыланды. Сонымен қатар, Қазақстан СІМ басшысы БҰҰ Бас Ассамблеясының алаңдарында Германия, Сауд Арабиясы, Сомали, Эритрея және басқа да елдердің сыртқы істер министрлерімен екіжақты ынтымақтастықтың өзекті мәселелері бойынша пікір алмасты.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT