Қайғылы оқиғалардың фотосуреті мен видеоларын анонимді түрде жіберуге болады
«Тәртіпсіздік басталған алғашқы күндерінен ТЖ режимі енгізілгенше ішкі істер органдарының қызметкерлері тек өлімге әкеп соқпайтын қару-жарақ қолданылды. Бұл туралы Ішкі істер министрлігі және Бас прокуратура брифингтерде бірнеше рет айтып кетті. Қазіргі уақытта тәртіпсіздік кезінде ұстауға байланысты азаматтардың шағымдарына жедел ден қоюы үшін министрдің нұсқауымен ҚР ІІМ барлық аумақтық бөлімшелерінде және орталық аппаратта халықпен үздіксіз жұмыс істейтінін мониторингтік топтар құрылды. Осыған байланысты біз қазір Ішкі істер министрімен телефон арқылы тағы бір кездесу өткіздік. Сол кездесуде Ішкі істер министрлігінің 102 қосымшасы мен ведомстволық сайттарында қайғылы оқиғалардың фотосуреті мен бейнематериалдарын анонимді түрде қабылданатыны айтылды», - деді Эльвира Әзімова Орталық коммуникациялар қызметінде өткен баспасөз мәслихатында.
Өз сөзінде спикер біздің әрқайсымыз заңдылықты қалпына келтіруге көмектесуіміз керектігін айтты
«Сіздің өтініштеріңіз бен сигналдарыңыз – болашақта осындай бұзушылықтар мен заңсыздықтардың алдын алуға қосқан үлесіңіз. Заңды және басқа азаматтардың құқықтарын құрметтеу – жеке қорғаудың кепілі болып саналады. Біз әділетсіз айыптаулар мен сынаудан аулақ болуымыз керек. Сондықтан бірігуіміз керек және барлық күш-жігерімізді сындарлы арнаға бағыттауымыз керек. Бұл біздің қауіпсіз болашағымыз үшін өте маңызды», - деді Эльвира Әзімова.
Бұған дейін спикер өңірлердегі уақытша ұстау изоляторларына барып, ұсталған азаматтармен сұхбаттасып жүргенін айтқан еді. Бірнеше күнде олар 11 өңірдегі 34 мекемеге барған.
Сондай-ақ адам құқықтары жөніндегі уәкіл тәртіпсіздік кезінде ұсталғандар не нәрсеге жиі шағымданатынын айтты.