+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Қай министрліктер бюджет қаражатын игермеді

2019 жылғы 10 қыркүйек 12:51
Бөлісіңіз:
Қай министрліктер бюджет қаражатын игермеді

НҰР-СҰЛТАН. ҚазАқпарат – Осы жылдың 8 айында мемлекеттік бюджет түсімі 102,8 пайыз орындалды. Дегенмен, игерілмей қалып қойған сома да аз емес - 74 млрд теңге. Бұл туралы бүгін Үкімет отырысында ҚР Премьер-Министрінің бірінші орынбасары – Қаржы министрі Әлихан Смайылов айтты, деп хабарлайды ҚазАқпарат тілшісі.

Ұқсас жаңалықтар
Әлеуметтік төлемдерге арналған бюджет шығыстары қай көлемде артады 2020 жылдан бизнестен түсетін корпоративтік табыс салығы жергілікті бюджеттерге беріледі Алматыда «Бюджетке қатысу» жобасына ұсыныстарды қабылдау басталды

Оның дерегінше, осы жылдың 8 айында мемлекеттік бюджет түсімі 102,8 пайыз орындалды немесе бюджетке 8 трлн 407 млрд теңге қаражат жиналды. Оның өсу қарқыны 116,8 пайызды құрады. Мемлекеттік бюджеттің шығындары есепті кезеңде 8 трлн 910 млрд теңгеге атқарылды. Аталған қаражаттың жартысынан астамы немесе 4 трлн 856 млрд теңгесі әлеуметтік салаға жіберілді. Бюджет тапшылығы - 503 млрд теңге немесе ЖІӨ-ге шаққанда 0,7 пайыз деңгейінде қалыптасты.

«Кіріс бойынша есепті кезеңнің жоспары бюджеттердің барлық деңгейлерінде артығымен орындалды. Мемлекеттік бюджет кірісі өткен жылдың осыған ұқсас кезеңімен салыстырғанда 114,6 пайыз өсті. Республикалық бюджетке 4 трлн 363 млрд теңге кіріс түсті. 2018 жылдың 8 айымен салыстырғанда кіріс 118,1 пайыз өсті немесе 669 млрд теңгеге көп. Ол негізінен салық есебінен қалыптасты. Салықтың өсуіне салықтық-кедендік әкімшілендірудің жақсаруы және экономиканың өсуі себеп болды»,- деді ол.

Министрдің айтуынша, жергілікті бюджеттердің өз кірісі 1 трлн 659 млрд теңгеге атқарылды. Жоспардан тыс 134 млрд теңге түсті.

«Мемлекеттік бюджеттің шығындары - 98,3, республикалық бюджет – 98,9 және жергілікті 98 пайызға атқарылды. Республикалық бюджеттің шығындары 7 трлн 725 млрд теңгені құрады. 89 млрд теңге атқарылмады. Оның ішінде бюджет қаражатының үнемделуі – 15 млрд теңге. Игерілмеген сома – 74 млрд теңге. Ең көп игерілмеген сома мына мекемелерде қалыптасты: Ішкі істер министрлігі – 11 млрд теңге; Қорғаныс министрлігі – 10,3 млрд теңге; Экология, геология және табиғи ресурстар – 10 млрд теңге; Мәдениет және спорт министрлігі – 6,7 млрд теңге», - деді Ә.Смайылов

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT