Қолданушы баптаулары
Қолданушы баптаулары
+7 (701) 759 90 19 Лента
USD 375.95 EUR 425.80
RUB 5.74 CNY 55.94
Jańalyqtar

Катонқарағай ауданында әуежай салынады

2019 жылғы 12 ақпан 15:46 341
Бөлісіңіз:
Катонқарағай ауданында әуежай салынады

ӨСКЕМЕН. ҚазАқпарат - Шығыс Қазақстан облысының Катонқарағай ауданында әуежай салынуы мүмкін, деп хабарлайды ҚазАқпарат тілшісі.

Аудан орталығы саналатын Үлкен Нарын ауылында әуежай бұрын да жұмыс істеген. Тоқсаныншы жылдары жекеменшікке өткен нысанның инфрақұрылымы толықтай тоналған. Ал иесі оның орны мен қаңқасы үшін қомақты қаражат сұрап отыр. Аудандық әкімдік пен кәсіпкердің ымыраға келе алмауы салдарынан, Катонқарағай ауданына әуе арқылы тікелей турист тарту мүмкін болмай келген. Бұл мәселені облыс әкімдігі қолға алып, жаңа нысан салу арқылы шешпек.

«О баста ескі әуежайды қайта жарақтау көзделген. Қазіргі иесімен келісімге келе алмадық. Сондықтан, ескі нысанның жанынан жаңа әуежай салу керек деп шештік. Өйткені, ол орын сейсмикалық және геодезиялық тұрғыдан әуежайға өте қолайлы әрі қауіпсіз. Аудандық әкімдік әуежай ғимаратын салады. Ал қиыршық асфальтсіз ұшып-қону жолағын облыстық бюджет арқылы төсейміз. Осылайша, Катонқарағайға келетін туристер шағын ұшақтар арқылы Алматы мен Астана сияқты қалалардан Өскеменге қонбастан, тікелей қатынайтын болады», - дейді облыстық Жолаушы көлігі және автомобиль жолдары басқармасының басшысы Нұржан Жұмаділов.

Әзірге әуежай қандай көлемдегі ұшақтарға арналатыны, жобаның қанша қаржы талап ететіні белгісіз. Жобалау жұмыстары биыл аяқталса, құрылыс жұмыстары 2020-2021 жылдары жүреді деп күтілуде.

 

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT