11:26, 12 Мамыр 2015 | GMT +6
Католик шіркеуінің өкілі Джохар Царнаевтың тәубаға келгенін айтты
АСТАНА. ҚазАқпарат - Бостон марафонындағы лаңкестік әрекеті үшін істі болған Джохар Царнаев өкініп, тәбасына келді, деп мәлімдеді қорғау тарапының куәгері, алқабилер мүшесі,католик шіркеуінің өкілі, діндар Хелен Прижан есімді әйел.
Хелен Прижан - өлім жазасына қарсы адамдардың бірі. Ол қорғау тарапындағы 40 куәгердің бірі. Алқа билер соты Царнаевқа қандай жаза беретінін осы аптада талқыламақ, деп хабарлады Би-би-си.
2013 жылдың сәуір айында ағайынды Тамерлан мен Джохар Царнаевтардың ұйымдастырған жарылыстан үш адам қаза тауып, 260-тан астам адам жараланды.
Прижанның айтуынша, Царнаев жасаған ісіне шынайы өкініп, тәубасына келді. Айыптаушы жақ діндар әйелдің куәлігін қабылдамауды сұраған, алайда судья онымен келіспеді.