+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қатар СІМ басшысы ресми сапармен Қазақстанға келді

2021 жылғы 10 маусым 15:00
Бөлісіңіз:
Қатар СІМ басшысы ресми сапармен Қазақстанға келді

НҰР-СҰЛТАН. ҚазАқпарат – Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Нұр-Сұлтан қаласына ресми сапармен келген Қатар Мемлекеті Премьер-Министрінің орынбасары - Сыртқы істер министрі шейх Мұхаммед бен Абдулрахман Әл Тәнимен келіссөздер жүргізді, деп хабарлайды ҚР СІМ баспасөз қызметі.

Ұқсас жаңалықтар
ҚР Әділет министрі АҚШ-та бірқатар маңызды кездесулер өткізді

Бұл Қатар сыртқы саяси ведомствосы басшысының Қазақстанға алғашқы келуі, ол түрлі салалардағы екіжақты ынтымақтастықты жандандыруға серпін беруге бағытталған.

Келіссөздер барысында, сауда-экономикалық және инвестициялық салалардағы Қазақстан-Қатар қатынастарының ағымдағы жай-күйі мен даму перспективалары қаралды. Тараптар халықаралық және өңірлік күн тәртібіндегі өзекті мәселелер жөнінде пікір алмасты.

Қазақстан аумағында ауыл шаруашылығы, геологиялық барлау және тау-кен өнеркәсібі, көлік және логистика, сондай-ақ қаржы және банк қызметі саласындағы бірлескен жобаларды іске асыруға мүдделілік расталды. Тараптар сондай-ақ екі елдің халықаралық және өңірлік ұйымдар, соның ішінде БҰҰ, АӨСШК, ИЫҰ және т.б. шеңберіндегі өзара іс-қимылының жоғары деңгейін атап өтті.

Келіссөздер қорытындысы бойынша Қатар даму қорының (Qatar Development Fund) қаражатына Алматы облысының Іле ауданындағы Өтеген Батыр кентінде перинаталдық орталығының құрылысы туралы меморандумға қол қойылды.

Сапар бағдарламасында Қатар Мемлекеті Премьер-Министрінің орынбасары – Сыртқы істер министрі Қазақстан Республикасының Президенті Қасым-Жомарт Тоқаевтың қабылдауында болады деп күтілуде.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT