Қатар-2022: Кейлор Навас ең көп гол жіберіп алған қақпашы атанды

2022 жылғы 3 желтоқсан, 23:38
Қатар-2022: Кейлор Навас ең көп гол жіберіп алған қақпашы атанды

АСТАНА. ҚазАқпарат - Қатарда өтіп жатқан футболдан 2022 жылғы әлем чемпионатында топтық кезеңнен кейін екі футболшы қақпасына гол жіберген жоқ, деп хабарлайды ҚазАқпарат тілшісі.

Қазірге дейін әртүрлі құрама сапында 40 қақпашы жасыл алаңға шығып үлгерді.

Оның арасынан бразилиялық Адисон Бекер екі кездесуде өз қақпасын голдан аман сақтаса, марокколық Мунир Мохамеди бір ойында дәл сондай нәтижені қайталады.

Ал Коста-Риканың қақпашысы Кейлор Навас үш ойында өз қақпасынан 11 гол алып шықты.

Аталған құрама Испаниядан 0:7, Германиядан 2:4 есебімен жеңілсе, Жапонияны 1:0 есебімен тізе бүктірді. Өз тобында үш ұпаймен төртінші орынды қанағат тұтты.

Еске салсақ, бұдан бұрын Бельгия қақпашысы Тибо Куртуа ұлттық құрама сапындағы 100-ші ойынын өткізді.

Сондай-ақ, Сауд Арабиясы құрамасы әлем чемпионаты топтық кезеңінің антирекордын тіркеді.


Ұқсас жаңалықтар
Серіктестер жаңалықтары

Jańalyqtar