Қатаң режімдегі Арқалық түрмесіне бірінші рет әйел адам түсті

ҚОСТАНАЙ. ҚазАқпарат - Арқалықтағы 161/12 жазасын өтеушілер мекемесіне бірінші рет әйел адам түсті, деп хабарлайды ҚазАқпарат.

Арқалық түрмесінде ауыр және аса ауыр қылмыстары үшін сотталғандар жазасын өтеп жатыр. Қостанай облысы бойынша қылмыстық-атқару жүйесі департаментінің баспасөз қызметі хабарлағандай, мұнда бірінші рет әйел адам түсіп отыр.

«1993 жылы туған бойжеткен бұған дейін Алматы облысының ЛА-155/4 мекемесінде жазасын өтеп келген. Кейін Арқалық түрмесіне жіберілді. Бұл қатаң режімдегі түрменің тарихындағы бірінші жағдай. Сотталған қыз ҚР ҚАК 96-бабы бойынша жазаны өтеудің белгіленген тәртібін жүйелі түрде бұзғаны үшін сот қаулысы негізінде толық қауіпсіздік мекемесіне келді», - делінген ведомствоның баспасөз хабарламасында.

Қылмыстық-атқару жүйесі департаментінің баспасөз қызметі оның қасақана кісі өлтіргені үшін абақтыға жабылғанын айтты.