+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қатаң карантин: ҚР ІІМ басшысы қазақстандықтарға мәлімдеме жасады

2020 жылғы 3 шілде 21:13
Бөлісіңіз:
Қатаң карантин: ҚР ІІМ басшысы қазақстандықтарға мәлімдеме жасады

НҰР-СҰЛТАН. ҚазАқпарат – ҚР Ішкі істер министрі Ерлан Тұрғымбаев елімізде енгізілетін қатаң карантин шараларына байланысты қазақстандықтарға мәлімдеме жасады, деп хабарлайды ҚазАқпарат Polisia.kz сайтына сілтеме жасап.

«Құрметті отандастар! Коронавирус инфекциясының таралуына байланысты Мемлекеттік комиссия 5 шілдеден бастап екі апталық ішінара шектеу енгізу туралы шешім қабылдады. Бұл шектеулер арқылы жекелеген шағын және орта бизнес санаттарының қызметін тоқтату, қоғамдық көліктердің жұмысын және адамдар көп баратын жерлерде азаматтардың жиналуын шектеу, сондай-ақ бұқаралық іс-шаралар өткізуге тыйым салу қарастырылған. Мұның бәрі инфекцияның таралуына жол бермеу үшін жасалады.

Кәсіпорындар, азық-түлік дүкендері, дәріханалар, банктер және қысқартылған кесте бойынша ХҚО-лар жұмыс істейтін болады.

Біздің азаматтарымыз қазақстандықтардың өмірі мен денсаулығын сақтауға бағытталған санитарлық және алдын алу шараларын қатаң сақтайтынына сенімдімін.

Осы кезеңде ішкі істер органдары қызмет өткерудің ерекше режиміне көшірілетін болады. Осыған байланысты, Ішкі істер министрлігі азаматтарды әлеуметтік қашықтық пен маска режимін сақтауға, көп адам шақырылатын іс-шаралар өткізбеуге және өздерінің байланыстарын азайтуға шақырады», - деді министр.

Сондай-ақ Е.Тұрғымбаев полицейлер денсаулық сақтау органдары мен санитарлық-эпидемиологиялық қызметтерге коронавирустың таралу ошақтарын оқшаулау, шектеу шараларын қамтамасыз ету бағытында жан-жақты көмек көрсетуді жалғастырады.

«Сонымен қатар, тек қана ресми ақпарат көздеріне ғана сену маңызды. Көрінеу жалған мәліметтердің авторлары мен таратушылары анықталып, жауапкершілікке тартылатын болады. Енгізілетін шектеулердің тиімділігі әрқайсымыздың жеке жауапкершілігімізге байланысты.

Тек бірлескен күш-жігер, шыдамдылық пен түсіністік көрсете отырып, қызмет атқарып жүрген медицина қызметкерлері мен полицейлерге қолдау көрсете аламыз. Біз бұл қатерге бірлесе қарсы тұрғанда ғана азаматтарымыздың қауіпсіздігін қамтамасыз етіп, денсаулықтарын сақтап қаламыз!», - деді ведомство басшысы.

Еске салайық, Қазақстанда коронавирусқа қатысты эпидемиологиялық ахуалдың өршуіне байланысты биылғы 5 шілдеден бастап 14 күнге қатаң шектеу шаралары енгізіледі. Карантин одан әрі ұзартылуы немесе күшейтілуі мүмкін.

Осыған байланысты, ҚР Бас мемлекеттік санитарлық дәрігердің қаулысы жарияланды.

Карантин режимі мен санитарлық-эпидемиологиялық талаптарды бұзғаны үшін жеке тұлғаларға 83 340 теңгеге дейін, ал кәсіпкерлерге 638 940 теңгеге дейін айыппұл салынады.





Біздің каналымызға жазылыңыз:

Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT