+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Қатаң карантин: Атырау облысында талаптың сақталуына рейд өтуде

2020 жылғы 13 шілде 01:36
Бөлісіңіз:
Қатаң карантин: Атырау облысында талаптың сақталуына рейд өтуде

АТЫРАУ. ҚазАқпарат –Атырау облысында қатаң карантин ережелерін бұзғандар анықталды, деп хабарлады ҚазАқпарат.

Өңірлік коммуникациялар қызметінің мәліметінше, мобильді топ мүшелері жүргізген рейдтік шаралар кезінде карантин талабын бұзған бірнеше дерек тіркелген.

«Рейд кезінде 40-тан аса азық-түлік дүкені, дәмхана мен мейрамханалар тексеріліп, олардың арасында шектелген уақыттан тыс жұмыс істеу фактілері анықталды. Сонымен қатар, 11 шілдеде Аққыстау ауылдық округінде жүргізілген тексеріс кезінде отбасылық жиын-той өткізіп жатқан бір отбасы анықталды. Аталған деректер қатысты тиісті шаралар қабылдау үшін материалдар Атырау қалалық Тауарлар мен көрсетілетін қызметтердің сапасы мен қауіпсіздігін бақылау басқармасына жолданды», - делінген ақпаратта.

Сондай-ақ Атырау қалалық полиция басқармасы патрульдік полиция басқармасының взвод командирі Жасұлан Камареденовтің айтуынша, түнгі сағат 23:00-ден кейін жүрген 6 көлік иесіне ескерту берілді. Жұмыскер ауылында көлік жөндеу орталығының жұмыс істеп тұрғаны анықталса, түнгі сағат 00:30 шамасында Вокзал маңы ықшамауданында азық-түлік дүкені сауда-саттық жасаған.

Рейд кезінде облыс тұрғындарына отбасылық жиын-той өткізбеу жөнінде түсіндіру жұмыстары жүргізілген. Ал, кәсіпкерлерге Атырау облысының бас санитарлық дәрігерінің қаулысымен енгізілген талаптарды толық сақтау қажеттігі ескертілді.

Еске салайық, 11 шілде сағат 00.00-ден бастап Атырау облысында карантин күшейтілген болатын.

Қазір Атырау өңірі коронавирусқа шалдыққан науқастар саны бойынша елімізде алдыңғы орында тұр.


Біздің каналымызға жазылыңыз:

Бөлісіңіз:

Автор:

Бек Мұстафа

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT