19:40, 11 Маусым 2019 | GMT +6
Қасым-Жомарт Тоқаевтың баспасөз мәслихатының толық видеосы жарияланды
НҰР-СҰЛТАН. ҚазАқпарат - Қазақстан Президентінің баспасөз хатшысы Берік Уәли Қасым-Жомарт Тоқаевтың баспасөз мәслихатының видеосын жариялады, деп хабарлайды ҚазАқпарат.
«Кезектен тыс Президент сайлауының қорытындысы бойынша өткен Мемлекет басшысы Қасым-Жомарт Тоқаевтың баспасөз-конференциясында қоғамды толғандырып жүрген бірқатар мәселелер бойынша жауаптар берілді», - деп жазды Берік Уәли.
Атап өтетін жайт, бұл шараға 66 бұқаралық ақпарат құралынан 107 өкіл келіп қатысты. Оның 44-і отандық, 22-сі шетелдік БАҚ болды. Қазақ, орыс және ағылшын тілінде 30-ға жуық сұрақ қойылды.
«Қасым-Жомарт Кемелұлының БАҚ өкілдерімен өткен кездесуі 1 сағатқа жуықтады. Көпшіліктің сұрауы бойынша, баспасөз мәслихатының монтаждалмаған толық нұсқасын ұсынамыз» делінген хабарламада.