Қасым-Жомарт Тоқаев: «Жас маман» жобасының да баяу жүзеге асып жатқаны алаңдатады

НҰР-СҰЛТАН. ҚазАқпарат – Аталмыш жобаны іске қосу үшін Президент Үкіметке нақты тапсырма берді, деп хабарлайды ҚазАқпарат тілшісі.

«Техникалық және кәсіптік білім беру саласы қай бағытта қозғалып бара жатқанын түсінген абзал. «Жас маман» жобасының да баяу қадаммен жүзеге асып жатқаны алаңдатады. Аталған жобаны іске асыру механизмі толық жүргізілмеген. Мамандықтар тізімі бекітілмеген. Аталған жобаны іске қосу үшін Үкімет бұл ретте тиісті шараларды қабылдауы тиіс. Нақты мерзімдерді атап, нақты әрекет алгоритмдерін ұсынуы керек», - деді Президент.

Еске сала кетсек, елордадағы Тәуелсіздік сарайында Мемлекет басшысы Қасым-Жомарт Тоқаевтың қатысуымен Тамыз конференциясы өтіп жатыр.

Жиында Мемлекет басшысы төрт жыл ішінде мұғалімдердің жалақысы екі есе өсетіндігін мәлім етті.