Қасым-Жомарт Тоқаев Универсиадада табысты өнер көрсеткен студенттер құрамасын құттықтады

2023 жылғы 23 қаңтар, 14:30
Қасым-Жомарт Тоқаев Универсиадада табысты өнер көрсеткен студенттер құрамасын құттықтады

АСТАНА. ҚазАқпарат - Қасым-Жомарт Тоқаев ХХХI дүниежүзілік қысқы универсиадада табысты өнер көрсеткен Қазақстанның студенттер құрамасын құттықтады, деп хабарлайды Ақорданың баспасөз қызметі.

– Сіздердің жарқын жеңістеріңіз күллі жанкүйер қауымға зор қуаныш сыйлады. Дүниежүзілік қысқы универсиадада сіздер шеберлік пен жеңіске деген ерік-жігердің бірегей үлгісін көрсеттіңіздер. Байрақты бәсекеде жастарымыз ел сенімін ақтап, алтын, күміс және қола медальдарға ие болды. Спортшыларымыздың мұндай жоғары нәтижеге қол жеткізуіне жаттықтырушыларымыз елеулі үлес қосты. Елімізде бұқаралық және балалар спортын дамытуға барлық жағдай жасалып жатыр. Құрама командамыздың Универсиада ойындарындағы тамаша өнері мыңдаған жасты жігерлендіріп, жеңістерге бастайтыны анық, – деп жазылған құттықтау хатта.

Президент Қазақстанның студенттер құрама командасының биік белестерді бағындыра беруіне тілектестік білдірді.


Фото: olympic.kz

Ұқсас жаңалықтар
Серіктестер жаңалықтары

Jańalyqtar