14:20, 16 Қыркүйек 2018 | GMT +6
Қасым-Жомарт Тоқаев: Тойдағы ысырапшылдықтан арылу керек
АСТАНА. ҚазАқпарат - Қазақстан Республикасы Парламенті Сенатының Төрағасы Twitter-дегі парақшасында кейбір қазақстандықтардың атаққұмар ысырапшылдығы туралы айтты, деп хабарлайды ҚазАқпарат.
«Қазақстан БАҚ-тарындағы үйлену тойлары мен басқа да мерейтойлады өткізудің жаңа тәсілдері туралы пікірталасты қолдаймын. Жауыр болған атаққұмарлық ысырапшылдықтан, сән-салтанаттан құтылатын жаңа үлгі қажет. Өзбектер, түріктер, түрікмендердің үлгілері бойынша ұлттық салт-дәстүрге ден қою қажет», - деп жазды Қазақстан Республикасы Парламенті Сенатының Төрағасы.