Қасым-Жомарт Тоқаев Отан қорғаушылар монументіне даңқ гүлін қою рәсіміне қатысты

НҰР-СҰЛТАН. ҚазАқпарат - Бүгін Қазақстан Президенті Қасым-Жомарт Тоқаев Ұлы жеңістің 74 жылдығына орай елордадағы "Отан қорғаушылар" монументіне даңқ гүлін қою рәсіміне қатысты, деп хабарлайды ҚазАқпарат тілшісі.

Даңқ гүлін қою рәсімінен кейін Мемлекет басшысы шараға арнайы келген соғыс және тыл ардагерлерімен әңгімелесті.

Шараға ҚР Парламенті Сенатының төрағасы Дариға Назарбаева, Мәжіліс төрағасы Нұрлан Нығматулин, Үкімет басшысы Асқар Мамин, Үкімет мүшелері, Қазақстанда тіркелген дипломатиялық өкілдіктердің басшылары, соғыс және тыл ардагерлері қатысты.

Айта кетейік, бүгінде елордада 70 соғыс ардагері, 2888 тыл ардагері тұрады.