Қасым-Жомарт Тоқаев «Орталық Азия – Үндістан» саммитіне қатысып жатыр
2022 жылғы 27 қаңтар 17:01

Қасым-Жомарт Тоқаев «Орталық Азия – Үндістан» саммитіне қатысып жатыр

НҰР-СҰЛТАН. ҚазАқпарат - Мемлекет басшысы Қасым-Жомарт Тоқаевтың қатысуымен алғаш рет ұйымдастырылып отырған «Орталық Азия – Үндістан» саммиті басталды, деп хабарлайды ҚазАқпарат тілшісі.

Бұған дейін ҚР Президентінің баспасөз хатшысы Берік Уәли жиынға Үндістан Премьер-министрі Нарендра Моди бастамашы болғанын хабарлады.

Атап айтқанда, іс-шара онлайн форматта өтеді. Көшбасшылар Орталық Азия елдері мен Үндістан арасындағы түрлі салалар бойынша ынтымақтастықты нығайтудың және кеңейтудің перспективаларын талқылайды. Жиын қорытындысы бойынша «Орталық Азия – Үндістан» атты бірінші саммиттің Декларациясы қабылданбақ.

Онлайн өтіп жатқан талқылауға Өзбекстан Президенті Шавкат Мирзиёев, Қырғызстан Президенті Садыр Жаппаров, Түрікменстан Президенті Гурбангулы Бердімұхамедов, Тәжікстан Президенті Эмомали Рахмон қатысуда.

Осыған дейін Мемлекет басшысы Қасым-Жомарт Тоқаевтың тарихта алғаш рет ұйымдастырылып отырған «Орталық Азия – Үндістан» атты саммитке қатысатыны хабарланды.


Автор:
Тілші

Jańalyqtar

MURAǴAT